दलहरूले समानुपातिक सूची निर्वाचन आयोगमा बुझाए

असोज ३, २०७९ सोमबार १९:१५:२५ | उज्यालो सहकर्मी

काठमाण्डाै – आउँदाे मङ्सिर ४ गते हुने प्रतिनिधि सभा र प्रदेश सभा चुनावका लागि दलहरूले समानुपातिकतर्फको उम्मेदवारको बन्दसूची बुझाएका छन् ।

सोमवार आयोगमा पुगेर मुख्य राजनीतिक दलसहितका अन्य दलहरूले आउँदाे चुनावका लागि समानुपातिकतर्फको उम्मेदवारहरूको बन्दसूची बुझाएका हुन् । आयोगले आइतवार र सोमवार गरी दुई दिन समानुपातिकतर्फको उम्मेदवारको सूची बुझाउन समय दिएको थियो । त्यही समयावधिभित्र राजनीतिक दलहरूले उम्मेदवारहरूको बन्दसूची आयोगमा पेस गरेका छन् । सत्तारूढ प्रमुख दल नेपाली कांग्रेस, नेकपा (माओवादी केन्द्र), नेकपा (एकीकृत समाजवादी), लोकतान्त्रिक समाजवादी पार्टी, जनता समाजवादी पार्टी, प्रमुख प्रतिपक्ष दल नेकपा एमाले लगायतका दलहरूले समानुपातिक उम्मेदवारहरूको बन्दसूची बुझाएका हुन् ।

उम्मेदवारहरूको बन्दसूची निर्वाचन आयोगमा बुझाएपछि सञ्चारकर्मीसँग बोल्दै कांग्रेसका महामन्त्री विश्वप्रकाश शर्माले समानुपातिक बन्दसूचीमा नेपाली कांग्रेस कार्यसमितिबाट पनि कतिपय सदस्यहरू रहेको बताउनु भयो । उहाँले नेपाली कांग्रेस उत्साहका साथ चुनावमा लागेकाे उल्लेख गर्दै जनताले आफ्नाे पार्टीलाई बहुमत लक्षित दलको रूपमा भोट दिने विश्वास व्यक्त गर्नुभयो ।

त्यस्तै नेकपा (माओवादी केन्द्र) का उपमहासचिव वर्षमान पुनले आफ्नाे पार्टीकाे तर्फबाट नेपाल समाजवादी पार्टी डा. बाबुराम भट्टराईको नेपाल समाजवादी पार्टीलाई पाँच सिटसहित प्रतिनिधि सभामा समानुपातिकतर्फ एक सय १० उम्मेदवारको सूची बुझाएको बताउनुभयो । उहाँले विगतमा समानुपातिक प्रदेश वा सङ्घबाट समानुपातिक भइसकेका, राष्ट्रिय सभामा एक कार्यकाल बसिसकेका, पहिलो र दोस्रो संविधान सभामा मनोनिततर्फ प्रतिनिधित्व गरिसकेका र पालिकामा निर्वाचित एवम् चुनावमा हारेकाहरूलाई बन्दसूचीमा नराखेको बताउनुभयो । पार्टीले विशेष जोड युवालाई दिएको उहाँकाे भनाइ छ ।

त्यस्तै राप्रपा नेपालका महामन्त्री सुशील श्रेष्ठले एक सय १० वटै बन्दसूचीका नाम पेस गरेको बताउनुभयो । उहाँले केन्द्रीय पदाधिकारीहरू सबै प्रत्यक्षमा चुनाव लड्ने बताउनुभयो ।

प्रतिनिधि सभामा समानुपातिक पद्धतिबाट एक सय १० जना र सात वटा प्रदेश सभामा दुई सय २० जना उम्मेदवार हुनेछन् । समानुपातिक पद्धतिमा मतदाताले राजनीतिक दललाई मत दिनेछन् । राजनीतिक दलले पाएको मतको आधारमा बन्दसूचीमा रहेका उम्मेदवारमध्येबाट सांसद निर्वाचित हुन्छन् ।

अन्तिम अपडेट: पुस १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्