डाेटीमा सैनिक जवानले दिएको रगतले १५ वर्षीया बालिकाको ज्यान जोगियो

 असोज ४, २०७९ मंगलबार १२:४१:७ | विमल बिष्ट
unn.prixa.net

डाेटी - डोटीमा नेपाली सेनाका एक जवानले गरेको रक्तदानबाट १५ वर्षीया एक बालिकाको ज्यान बचेको छ । आदर्श गाउँपालिका वडा नं ४ देहिमाण्डौँकी १५ वर्षीया बालिका सरीता विष्टको ज्यान जोगिएको हो ।

जण्डिसका कारण गम्भीर बिरामी परेकी विष्टलाई स्थानीय बासिन्दाले  जिल्ला अस्पताल डोटीमा उपचारका लागि लगेका थिए । उपचारका क्रममा रगतको कमी भएको डाक्टरले बताए  पनि रगत अभाव हुँदा समस्या भएको थियो ।

'ए' पोजेटिभ रगत अभावमा उपचार प्रभावित भएको र रगतका लागि भैरवप्रसाद गणमा सूचना पुगेपछि त्यहाँ कार्यरत जवान कमल खनालले रगत दान गर्नु भएको हो । डोटीमा रक्तसञ्चार केन्द्र नभएका कारण रगतको आवश्यकता परेका बिरामी तथा उनीहरुका आफन्तले रगतका लागि सेना प्रहरी कहाँ धाउने गरेका छन्। 

अन्तिम अपडेट: मंसिर १०, २०७९

विमल बिष्ट

विमल बिष्ट डोटीका उज्यालो सहकर्मी हुनुहुन्छ । 

तपाईको प्रतिक्रिया