चाडपर्वमा दुर्गम क्षेत्रमा अत्यावश्यक खाद्यान्न अभाव हुन नदिने खाद्य कम्पनीको दाबी

असोज ९, २०७९ आइतबार ७:५५:५३ | उज्यालो सहकर्मी

काठमाण्डाै - कर्णालीलगायत दुर्गम क्षेत्रमा दशैँ/तिहार, छठ जस्ता मुख्य चाडपर्वमा अत्यावश्यक खाद्यान्नको अभाव हुन नदिने खाद्य व्यवस्था तथा व्यापार कम्पनी लिमिटेडले जनाएको छ ।

कम्पनीका कार्यकारी निर्देशक मोहनप्रकाश चन्दले सरकारले दिएको बजेट सीमाभित्र रहेर जनघनत्व र आवश्यकताका आधारमा निर्धारण गरिएको कोटाअनुसार खाद्यान्न उपलब्ध गराउने बताउनुभएको छ ।

अत्यावश्यक खाद्यान्न उपलब्ध गराउन टेण्डर भइ ढुवानीको काम सुरु भइसकेको तर कतै टेण्डर नपरेर समस्या देखिएकाले छोटो प्रक्रियाका आधारमा हेलिकप्टरद्वारा पुर्याउने तयारी भइरहेको निर्देशक चन्दले जानकारी दिनुभयो ।

कतैकतै चाडपर्वका अवसरमा दिएको छुटका कारण तत्काल नै आवश्यकताभन्दा बढी खाद्यवस्तुको सङ्कलन गर्दा समस्या देखिएको हुनसक्ने उहाँको भनाइ छ । अहिले खुलेका सहुलियत पसलमा चामल, दाल, तेल, नुन, गेडागुडीलगायतका खाद्यवस्तु छुटमा बिक्री वितरण हुँदै आएको छ ।

स्थानीय पालिकाको माग र अनुरोधपछि कम्पनीले दार्चुलाको व्यास गाउँपालिकाको छाङरु र तिङ्करका लागि चार सय क्विन्टल खाद्यान्न पठाउने तयारी गरेको छ । कम्पनीले चामल, दाल, पिठो, नुन, चिनीलगायत खाद्य सामग्री हेलिकप्टरबाट पठाउन लागेको हो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्