काठमाण्डौ – उपराष्ट्रपति नन्दबहादुर पुनले बिरामी भएर अस्पताल भर्ना हुनु भएका शताब्दी पुरुष सत्यमोहन जोशीको स्वास्थ्य अवस्थाबारे जानकारी लिनुभएको छ । 

आज बिहान ग्वार्कोको किष्ट मेडिकल कलेजमै पुगेर उपराष्ट्रपति पुनले उपचाररत् शताब्दी पुरुष जोशीलाई भेटेर स्वास्थ्यलाभको कामना गर्नुभएको छ । 

डाक्टरहरुले उपराष्ट्रपतिलाई सत्यमोहन जोशीको स्वास्थ्य अवस्थाबारे जानकारी गराउँदै उल्लेख्य सुधार रहेको बताएका छन् । 

उहाँको उपचारमा कुनै अभाव हुन नदिन आग्रह गर्दै उपराष्ट्रपति पुनले जोशीलाई चाँडै निको भएर घर फर्केको हेर्न चाहेको बताउनुभएको छ । 

डेंगी संक्रमण र अन्य स्वास्थ्य समस्या देखिएपछि शताब्दी पुरुष जोशी गएको सात गते किष्ट मेडिकल कलेजमा भर्ना हुनुभएको थियो ।