त्रिभुवन विमानस्थलको पाँच किलोमिटर वरपर ड्रोन उडाए कारबाही

 असोज १५, २०७९ शनिबार १८:५७:३७ | विमल बिष्ट
unn.prixa.net

काठमाण्डौ – नेपाल नागरिक उड्डयन प्राधिकरण (क्यान) ले त्रिभुवन अन्तर्राष्ट्रिय विमानस्थलको पाँच किलोमिटर क्षेत्र भित्र ड्रोन उडाउनेलाई कारबाही गरिने जनाएको छ ।

विमानस्थलको पाँच किलोमिटर क्षेत्र भित्र ड्रोन उडाउने कार्यले विमानको उडान सुरक्षामा गम्भीर असर पर्ने भन्दै उक्त कार्य नगर्न/नगराउन प्राधिकरणले आग्रह गरेको छ ।

नेपाल नागरिक उड्डययन प्राधिकरणले एक सूचना जारी गर्दै त्रिभुवन विमानस्थलको पाँच किलोमिटर क्षेत्र भित्र ड्रोन नउडाउन जानकारी गराएको छ । यदि यस सूचनाको अटेर गरेमा कानुन अनुसार कडा कारबाही गरिने प्राधिकरणले चेतावनी दिएको छ ।

ड्रोन उडान सम्बन्धी नियम २०२१ ले विमानस्थलको वरपर ड्रोन उडाउन बन्देज गरे पनि पछिल्लो केही समय यता यस नियमलाई अटेर गरी ड्रोन उडाउने कार्य भइरहेकोले ड्रोन उडाउन बन्द गर्नका लागि सूचना जारी गर्नु परेको प्राधिकरणको भनाइ छ ।
 

अन्तिम अपडेट: मंसिर ९, २०७९

विमल बिष्ट

विमल बिष्ट डोटीका उज्यालो सहकर्मी हुनुहुन्छ । 

तपाईको प्रतिक्रिया