जसपा सत्ता गठबन्धन छाडेर एमालेतिर, लोसपाका नेताहरू बालुवाटारमा

असोज २१, २०७९ शुक्रबार १४:४८:५२ | उज्यालो सहकर्मी

काठमाण्डाै – जनता समाजवादी पार्टी (जसपा) ले सत्ता गठबन्धन छाड्ने अन्तिम तयारी गरेको छ । आउँदो चुनावका लागि सिट बाँडफाँटमा असन्तुष्टि जनाउँदै जसपाले सत्ता गठबन्धनसँग चुनावी तालमेलको ढोका बन्द गर्ने तयारी गरेको छ ।

जसपाले अब नेकपा एमालेसँग तालमेल गर्ने तयारी गरेको छ । त्यसका लागि अध्यक्ष उपेन्द्र यादवले हिजो बिहीवार राति नै एमाले अध्यक्ष केपी शर्मा ओलीसँग छलफल गरेर धेरै विषय टुङ्ग्याएको नेताहरूले बताएका छन् । एमाले र जसपाबीच तालमेलको सहमतिमा हस्ताक्षर हुनमात्रै बाँकी रहेको नेताहरूको दाबी छ । जसपा आज सत्ता गठबन्धनको बैठकमा समेत सहभागी भएको छैन ।

यसैबीच लोकतान्त्रिक समाजवादी पार्टी (लोसपा) सत्ता गठबन्धनमा सामेल हुने भएको छ । बालुवाटारमा जारी सत्ता गठबन्धनको बैठकमा जसपा उपस्थित नभएपछि लोसपाका नेताहरू पुगेका छन् ।

अब कांग्रेस, माओवादी, एकीकृत समाजवादी, राष्ट्रिय जनमोर्चा, नेपाल समाजवादी पार्टी र लोकतान्त्रिक समाजवादी पार्टीबीच चुनावमा तालमेल हुने सम्भावना बढेको छ । यस्तै नेकपा एमाले, जनता समाजवादी पार्टी, राप्रपालगायतका दलहरूको पनि गठबन्धन बन्ने सङ्केत देखिएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्