अर्घाखाँची : पहिरोको जोखिमका कारण खाँचीकोटका ४१ परिवार विस्थापित

असोज २७, २०७९ बिहीबार ७:३९:२७ | प्रेमनारायण आचार्य

अर्घाखाँची - अर्घाखाँचीको सन्धिखर्क नगरपालिका–७ खाँचीकाेटको भुजुङ्गेमा पहिरोको जोखिमका कारण ४१ घरपरिवार विस्थापित भएका छन् ।

पहिरोको उच्च जोखिमका कारण ४१ दलित परिवारका १ सय ६१ जना विस्थापित भएका वडाअध्यक्ष चुराबहादुर केसीले बताउनुभयो । उनीहरुलाई स्थानीय चन्द्र प्रभा माध्यमिक विद्यालयको भवनमा सारिएको छ । जसमा ४ जना गर्भवती र ४ जना सुत्केरी समेत रहेका छन् ।

सिङ्गो गाउँका केही घरहरु पहिराेले भत्किएका छन् । केही घरहरु उच्च जोखिममा रहेका छन् । ती घरहरु नै अन्यत्र सार्नुपर्ने अवस्था रहेको अर्घाखाँचीका सहायक प्रमुख जिल्ला अधिकारी मेघनाथ उपाध्यायले बताउनुभयो । विद्यालयमा बसेका विस्थापितलाई उद्योग वाणिज्य सङ्घ र नेपाल रेडक्रस सोसाइटीले राहत प्रदान गरेको छ ।

तत्कालका लागि चामल, दाल, तेल, नुन लगायतका खाद्य सामग्री हस्तान्तरण गरेको उद्योग वाणिज्य सङ्घका महासचिव तुलसी खनालले बताउनुभयो । पहिरोमा परेर घर गुमाएका भुजुङ्गेका दलित परिवारलाई २० थान कम्बल र २० थान म्याट प्रदान गरेको नेपाल रेडक्रस सोसाइटीका अर्घाखाँची शाखाका सभापति कुशल भुसालले जानकारी दिनुभयो ।

पहिरोले अर्घाखाँचीमा कुल १ सय ११ घरपरिवार विस्थापित भएका छन् । उनीहरुलाई विद्यालय, आफन्तको घर तथा सार्वजनिक ठाउँमा बसोबासको व्यवस्था मिलाइएको छ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्