सुनकोसी–मरिन डाइभर्सनको सुरुङ खन्ने काम सुरु, २२ महिनामा खनिसक्ने लक्ष्य

असोज २८, २०७९ शुक्रबार १४:५१:९ | उज्यालो सहकर्मी

सिन्धुली : सुनकोसी–मरिन डाइभर्सन बहुउद्देशीय आयोजनाको सुरुङ खन्ने काम सुरु भएको छ । अटोमेटिक टनेल बोरिङ मेशिन (टीबीएम) बाट सुरुङ खन्ने काम सुरु भएको आयोजना प्रमुख मित्र बरालले जानकारी दिनुभयो ।

राष्ट्रिय गौरवको आयोजनाका रूपमा रहेको सुनकोसी–मरिन डाइभर्सनको १३ दशमलव तीन किलोमिटर सुरुङ आउँदो २२ महिनामा खनिसक्ने लक्ष्य राखिएको छ । भौगर्भिकरूपमा कुनै समस्या नआए समय तालिकाभित्रै सुरुङ खन्ने काम सकिने आयाेजना प्रमुख बरालले बताउनुभयो । आयोजनाका लागि सरकारले चालु आर्थिक वर्षमा दुई अर्ब ७० करोड रुपैयाँ बजेट विनियोजन गरेको छ । आयोजनाको २०७७ फागुन २० गते शिलान्यास भएको थियो ।

सुनकोसी गाउँपालिका वडा नम्बर ७ कानढुङ्ग्रीमा सिन्धुली र रामेछापको सिमाना भएर बग्ने सुनकोसी नदीमा डाइभर्सनको संरचना निर्माण गरी सुनकोसीको झन्डै ६७ क्युमेक पानीलाई कमलामाई नगरपालिका वडा नम्बर २ कुसुमटारमा रहेको मरिन खोलामा खसाल्ने योजना रहेको छ । त्यसपछि बाग्मती सिँचाइ आयोजनाको संरचनामार्फत तराईका धनुषा, महोत्तरी, सर्लाही, रौतहट र बाराको झन्डै एक लाख २२ हजार हेक्टर जमिनमा सिँचाइ गर्ने लक्ष्य छ । सिँचाइसँगै ३१ दशमलव ०७ मेगावाट क्षमताको जलविद्युत् उत्पादन गरिनेछ ।

आयोजनाको सुरुङ निर्माणका लागि चीनको चाइना ओभरसिज इन्जिनियरिङ ग्रुपसँग सम्झौता भएको छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Lokraj kalathoki
Oct. 14, 2022, 8:12 p.m.
अब केहि होला कि ??
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुनकोसी–मरिन डाइभर्सनको सुरुङ खन्ने काम सुरु, २२ महिनामा खनिसक्ने लक्ष्य

1 Comments

Lokraj kalathoki

तपाईको प्रतिक्रिया

तपाईको प्रतिक्रिया