तिहारअघि कर्णाली राजमार्ग खुलाउने तयारी, कालीकोटको तिलागुफामा सडक खुलाउन सकस

कात्तिक २, २०७९ बुधबार १५:०:२२ | मनिराज पाण्डे

कालीकोट – पहिरोका कारण बन्द भएकाे कर्णाली राजमार्गकाे सुर्खेत–जुम्ला सडक खण्ड तिहारअघि नै खुलाउने गरी काम भइरहेकाे कालीकोटका प्रमुख जिल्ला अधिकारी रामहरि शर्माले जानकारी दिनुभएकाे छ ।

गएकाे असोज १९ गतेदेखि २५ गतेसम्म भएकाे अविरल वर्षाका कारण कालीकाेट खण्डमा सबैभन्दा धेरै ९७ ठाउँमा पहिरो गएको थियो । अहिले सुर्खेतदेखि कालीकोटको सेरावाडासम्म सडक सञ्चालनमा आएको सडक डिभिजन कार्यालय जुम्लाका प्रमुख राजीव श्रेष्ठले बताउनुभयो ।

यसैबीच हिजाे मङ्गलवार कालीकोटका प्रमुख जिल्ला अधिकारी, सुरक्षा निकायका प्रमुख र पत्रकारसहित राजमार्ग अनुगमका लागि तिलागुफा पुगेको टोलीले राजमार्गको तिलागुफा सडक खण्ड खुलाउन भने निकै सकस हुने बताएको छ । त्यस क्षेत्रमा कडा चट्टानी भिर फोरेर राजर्माग सञ्चालन गर्नुपर्ने भएको छ । सेराबाडादेखि नाग्मसम्मको झन्डै २६ किलोमिटर सडकको धेरै ठाउँमा अवरोध छ । कर्णाली राजमार्गको तिलागुफा नगरपालिका क्षेत्रभित्र पर्ने सडक कतै नदीले बगाएको, कतै ठूलो पहिरो आएको त कतै सडकको अस्तित्व नै मेटाएको जिल्ला प्रहरी कार्यालय कालीकोटका प्रहरी नायब उपरीक्षक (डीएसपी) जयश्वर रिमालले बताउनुभयो ।

यस्तै कर्णाली राजमार्गको कालेखोलाबाट छुट्टिएर गएको कर्णाली काेरिडोर पहिरोका कारण बन्द छ । काेरिडोर बन्द भएपछि त्यहाँको सडक हुँदै कालीकोटको सान्नी त्रिविणी, पचाल झरना, पलाँता गाउँपालिका, रास्कोट नगरपालिका, बाजुरा र हुम्लाका नागरिकलाई सास्ती भएको छ ।

कर्णाली काेरिडोर सञ्चालनका लागि आज काेरिडोर आयोजना कार्यालय हुम्लाका कार्यालय प्रमुख वीरेन्द्र यादवसहित सम्बन्धित पालिका प्रमुखसँग छलफल भएको प्रजिअ शर्माले बताउनुभयो । शर्माका अनुसार आयोजना कार्यालय हुम्लामा प्राप्त स्राेत, साधन नभएकाले स्थानीय निर्माण व्यवसायीकाे सहयाेगमा सडक खुलाउने काम सुरु भएकाे छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्