नेपालकाे सबैभन्दा ठूलाे राेग भ्रष्टाचार हाे, नेताहरू बेइमान भए : चन्द्र भण्डारी

 कात्तिक २४, २०७९ बिहीबार १४:३८:७ | उज्यालो सहकर्मी
unn.prixa.net

फाइल तस्बिर

काठमाण्डाै – नेपाली कांग्रेसका नेता चन्द्र भण्डारीले देशमा भइरहेको भ्रष्टाचारलाई आउँदाे चुनावबाट निमिट्यान्न बनाउने शक्ति निर्वाचित गर्न आवश्यक रहेको बताउनुभएको छ ।

आज बिहीवार गुल्मी निर्वाचन क्षेत्र नम्बर १ ले काठमाण्डाैमा आयोजना गरेको उम्मेदवार परिचय तथा अन्तरक्रिया कार्यक्रमलाई सम्बोधन गर्दै नेता भण्डारीले यस्तो बताउनुभएको हो । उहाँले नेपालको सबैभन्दा ठूलो रोग भ्रष्टाचार भएकाले आउँदाे चुनावबाट भ्रष्टाचारलाई निमिट्यान्न बनाउने शक्तिलाई विजयी गराउन आवश्यक रहेको बताउनुभयो । 

उहाँले भन्नुभयो, ‘हामीलाई थाहा छ, नेपालको सबैभन्दा ठूलो रोग भ्रष्टाचार हो । अब जो सुकै होस्, जुन पार्टीको होस्, जतिसुकै ठूलो होस्, मङ्सिर ४ गते यी तत्त्वलाई पराजित गर्नुपर्छ । लुटेको सम्पत्ति नेपाल आमालाई फिर्ता गर्नुपर्छ । युवालाई विदेश पठाएर नेपालमा अवसरको खोजी नगर्ने दोस्रो ठूलाे रोग हो ।’

नेता भण्डारीले नेताहरूले लुटेको सम्पत्तिलाई फिर्ता गर्नुपर्ने दिन आइसकेको बताउनुभयो । उहाँले राजनीतिक दलहरूले नेपालमा रोजगारीको अवसरको खोजी नगरि युवालाई विदेश पठाउने गरेको भन्दै यस्ता तत्त्वहरूलाई चुनावमा नागरिकले पराजित गर्न आवश्यक भएको बताउनुभयो । 

नेता भण्डारीले नेपालले अहिले सात खर्ब रुपैयाँ विदेशी ऋणको ब्याज तिरिरहेको र २२ खर्ब रुपैयाँ व्यापार घाटा रहेकाले देशको अर्थतन्त्रलाई सुधार गरी बलियो बनाउने शक्तिलाई नागरिकले चुनावमा चुन्नुपर्ने आवश्यक्ता भएको बताउनुभयो । नेपाली राजनीतिमा बेइमान नेताहरू भएको उहाँकाे टिप्पणी छ । बेइमान नेताहरूका कारण देश र देशको सौन्दर्यलाई चिन्न नसकेको उहाँले बताउनुभयो । 

नेता भण्डारीले देशलाई दुरावस्थामा पुर्‍याउने नेताहरूलाई आउँदाे चुनावबाट बिदाइ गर्नुपर्ने बताउनु भयो । आउँदाे चुनाव आफूले जिते गुल्मीलाई नमुना जिल्ला बनाउने उहाँले प्रतिबद्धता व्यक्त गर्नुभयो । 

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई