निर्बाधरूपमा प्रचार गर्ने वातावरण बनाउन आयोगको पुनः निर्देशन

कात्तिक २८, २०७९ सोमबार ८:२५:५९ | उज्यालो सहकर्मी

काठमाण्डाै - निर्वाचन आयोगले दल तथा उम्मेदवारलाई निर्बाधरूपमा प्रचारप्रसार गर्ने वातावरण सिर्जना गर्न पुन: ध्यानाकर्षण गराएको छ ।

आयोगले प्रचारप्रसारको वातावरण सहज बनाउन यसअघि कात्तिक २२ गते गृह मन्त्रालयमार्फत् ७७ वटै जिल्ला प्रशासन कार्यालयलाई निर्देशन दिएको थियो । तर चितवन लगायतका जिल्लामा उम्मेदवार चढेको गाडीमा तोडफोड तथा दुई पक्षबीच झडप हुने घटना बढेपछि आयोगले पुनः ध्यानाकर्षण गराएको हो ।

आयोगले विज्ञप्ति निकालेर उम्मेदवारको गाडीमा तोडफोड तथा झडपका घटनाप्रति गम्भीर ध्यानाकर्षण भएको जनाएको छ । आयोगका सहायक प्रवक्ता कमल भट्टराईले निकाल्नुभएको विज्ञप्तिमा चुनावमा उम्मेदवार भएका हरेक व्यक्तिलाई प्रतिस्पर्धाको समान अवसर प्राप्त हुने भन्दै निर्बाधरूपमा प्रचारप्रसार गर्ने वातावरण सिर्जना गर्न गृह मन्त्रालयलाई पुनः निर्देशनसहित ध्यानाकर्षण गराइएको उल्लेख छ ।

विज्ञप्तिमा एकै ठाउँमा एकभन्दा बढी दल तथा उम्मेदवारको कार्यक्रम नगर्ने व्यवस्था गर्न प्रशासन कार्यालयहरुलाई निर्देशन दिनुको साथै यो नियमको पालना गर्न दल तथा उम्मेदवारलाई आग्रह पनि गरिएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्