संविधानको रक्षार्थ गठबन्धन बनेको हो : प्रधानमन्त्री देउवा

कात्तिक २९, २०७९ मंगलबार १८:३९:१९ | अमर सुनार

दैलेख – प्रधानमन्त्री शेरबहादुर देउवाले एमाले अध्यक्ष ओलीले हुँदाखाँदाको बहुमतको सरकार चलाउन नसकेको आरोप लगाउनुभएको छ ।

दैलेखको दुल्लूमा आज भएको चुनावी सभालाई सम्बोधन गर्दै उहाँले दुई/दुई पटक संसद विघटन गरेका कारण संविधानको रक्षा गर्न गठबन्धन बनाउन परेको तर्क राख्नुभयो ।

देउवाले स्थायी शान्ति र लोकतन्त्रको संस्थागत विकासका लागि गठबन्धनले चुनावी एकता गरेको र संसदीय निर्वाचनपछि पनि यसको अझै निरन्तरता आवश्यकता रहेको बताउनुभयो । प्रधानमन्त्री देउवाले सिंजा राज्य ताकाको हिउँदे राजधानी दुल्लूको विकासको लागि आफूहरु सहयोगी बन्ने आश्वासन पनि दिनुभयो ।

कार्यक्रममा पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डले यो पटकको निर्वाचन औपचारिक र सामान्य किसिमको नभइ नेपालीले पाएको अधिकारको रक्षा गर्ने जनमत संग्रह जस्तै भएको बताउनुभयो ।

उहाँले अगाडि भन्नुभयो, ‘पाँच दलीय गठबन्धन पाँच पाण्डव जस्तो सत्य र न्यायको पक्षमा उभिएको छ, एमालेजस्ता कौरवहरू पनि चुनावमा खडा छन्, न्यायप्रेमीहरु न्यायको पक्षमा लाग्नुपर्ने बेला आएको छ ।’ विकास र समृद्धिको मुख्य दायित्व पाँच दलीय गठबन्धनमा रहेको पनि उहाँले बताउनुभयो ।

प्रचण्डले दुल्लू दरबारलाई संग्रहालय बनाउने, यहाँको पर्यटकीय आकर्षण बनाउन गठबन्धन सरकारको पहल रहने आश्वासन दिनुभयो । उहाँले ओझेलमा परेको कर्णाली र साधन स्रोतमा पहुँच कमजोर भएको दैलेखबाट गठबन्धन उम्मेदवारलाई जिताएर पठाएपछि उचित जिम्मेवारी दिइने वचन दिनुभयो ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्