दैलेखमा ५१ प्रतिशत मत खसेको प्रारम्भिक अनुमान

मंसिर ४, २०७९ आइतबार १९:५८:१२ | अमर सुनार

दैलेख – आज सम्पन्न प्रतिनिधि सभा तथा प्रदेश सभा चुनावमा दैलेखमा ५१ दशमलव ४४ प्रतिशत मत खसेको प्रारम्भिक तथ्यांक प्राप्त भएको छ । दैलेखका प्रमुख जिल्ला अधिकारी गोगनबहादुर हमालका अनुसार कुल ८१ हजार ७ सय ८१ मत खसेको छ ।

प्राप्त विवरण अनुसार खसेको मतमध्ये महिलाको सहभागिता ५३ प्रतिशतभन्दा बढी छ । खसेको मतमा महिलाहरुको संख्या ४३ हजार चार सय ५४ र पुरुषतर्फ ३८ हजार ३ सय २७ रहेको छ ।

खसेको मतमध्ये कर्मचारीतर्फ र कारागारका कैदीबन्दी समेत १ सय ७६ जनाले मतदान गरेका छन् । निमामती कर्मचारी, सेना, प्रहरीका १८ महिला र ९६ पुरुष गरी एक सय १४ जनाले मतदान गरेको छन् । त्यसैगरी कारागारका ८ महिला र ५४ पुरुषसमेत ६२ जनाले मतदान गरेका छन् ।

म्यादी प्रहरीका ३ सय ३६, नेपाली प्रहरीका १ सय ५, सेनाका ६७ र सशस्त्र प्रहरीका १ सय १४ र कारागारका ६३ जना कैदीसमेत ६ सय ८६ अस्थायी मतदाताहरु मध्ये १ सय ७६ जनाले मतदान गरेका बताइएको छ ।

सेना–प्रहरीका हकमा अस्थायी मतदाता नामावली यहाँ रहेको भए पनि खटिएको ठाउँबाट मतदान गरेका कारण अस्थायी मतदान केन्द्रमा कम सहभागिता देखिएको हो ।

अस्थायी मतदान केन्द्रमा मतदानमा सहभागी कर्मचारीतर्फ र कारागारका कैदीबन्दीले संघीय संसद प्रतिनिधिसभा सदस्य पदको लागि दलको चुनाव चिन्हमा मत संकेत गर्ने समानुपातिक प्रणाली तर्फ मतदान गरेका थिए । अस्थायी मतदाताहरुले प्रत्यक्षतर्फका उम्मेदवार र समानुपातिकको प्रदेशसभामा मत हाल्न पाइँदैन ।

प्रतिनिधि सभा सदस्य पदका लागि दुई र प्रदेश सभाका चार पदका लागि यहाँ ३३ जना प्रतिस्पर्धामा छन् । दैलेखमा १ लाख ५८ हजार ९ सय ५८ जना मतदाता छन् ।

स–साना विवाद बाहेक समग्रमा सबै स्थानमा शान्तिपूर्ण तरिकाबाट मतदान सम्पन्न भएको दैलेखका मुख्य निर्वाचन अधिकृत जिल्ला न्यायाधीश बलराम लम्सालले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्