अर्घाखाँची : सन्धिखर्कमा मतपेटिका खाेल्दा पत्र भेटियाे, यस्ताे छ पत्र

मंसिर ७, २०७९ बुधबार १७:४०:३८ | प्रेमनारायण आचार्य

अर्घाखाँची – अर्घाखाँचीको सन्धिखर्कमा रहेको सभा गृहमा प्रतिनिधि सभातर्फ प्रत्यक्ष मतपत्रको पेटिकामा एक पत्र भेटिएको छ । मतपेटिकाबाट मतपत्र खसाल्ने क्रममा एउटा मतपत्रभित्र पत्र भेटिएको जिल्ला निर्वाचन अधिकृत सुरेश भण्डारीले जानकारी दिनुभयो ।

पत्रमा लेखिएको छ, ‘पटक–पटक परीक्षण भएका नेतालाई कति भोट हालम् । त्यसैले यो पटक कसैलाई भोट नदिने निर्णय गरेँ । कुनै उम्मेदवारमा पनि राजनीतिक संस्कार पाइनँ ।’

‘स्थानीय, प्रदेश र प्रतिनिधि सभाको चुनावमा पटक–पटक जितेका जनप्रतिनिधिबाट आजसम्म अर्घाखाँचीको विकासमा कसैको ध्यान पुग्न सकेन । अब ४/५ वर्षपछि हुने स्थानीय चुनावमा सन्धिखर्क नगरपालिकाको मेयर पदमा उम्मेदवार दिएर विजयी भएर कसरी हो काम गर्ने भन्ने उदाहरण देखाउनेछु । अनि म बाट सिक्नेछन् प्रदेश र प्रतिनिधि सभाका उम्मेदवारले ।’

‘विकासका निम्ति आएका अर्बाैँ रपैयाँ बजेट अलिअलि काम गरेजस्तो गरी उही नेता र नेताका बिचौलियाले खाँदा ठिक्क छ । मत गन्दै गरेको तपाईँलाई पनि कस्तो व्यक्तिको मत गनेर विजयी घोषणा गर्नुपरेको छ भन्ने लागेको होला । सोच्नुहोस् त ।’

पत्रमा गोरुसिंगे सन्धिखर्क बाटो, जिल्ला अस्पतालको हालत, सन्धिखर्क बजारको जग्गा अतिक्रमण, गरिबी र बेरोजगारी, जनताको कालो दिन, असन्तुष्ट मतदाता भन्ने लेखेर हस्ताक्षर गरिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अर्घाखाँची : सन्धिखर्कमा मतपेटिका खाेल्दा पत्र भेटियाे, यस्ताे छ पत्र

फाइल तस्बिर

तपाईको प्रतिक्रिया