काभ्रेपलाञ्चाेक – काभ्रे-१ को 'ख' बाट प्रदेशसभा सदस्यमा कांग्रेसका तिर्थबहादुर लामा विजयी हुनुभएकाे छ । जम्मा तीन मतकाे अन्तरले लामा विजयी हुनुभएकाे हाे ।

लामाले १९ हजार २८० मत प्राप्त गर्नुभयाे । यस्तै उहाँका प्रतिद्वन्द्वी एमालेका चन्द्र लामाले १९ हजार २७७ मत ल्याउनुभयाे । तीन अंककाे झीनाे मतान्तरसहित कांग्रेसका तिर्थ लामा विजयी हुनुभएकाे छ ।

वि.स. २०३१ सालमा जन्मिनुभएका तिर्थ लामा पञ्चायत व्यवस्थाको आन्दोलनदेखि नै राजनीतिमा सक्रिय हुनुहुन्थ्याे । पञ्चायत, आन्दोलन तथा माओवादी द्वन्द्व हुँदै २०६४ को पहिलो संविधान सभाको चुनावबाट नेपाली कांग्रेसको राजनीति शुरु गर्नुभयाे । पार्टीको १४ औं महाधिवेशनमा उहाँ जिल्ला सभापतिमा निर्वाचित हुनुभयाे ।

कम्युनिष्ट गढ मानिने क्षेत्रमा निर्वाचित हुने उहाँ कांग्रेसको पहिलो उम्मेदवार हुनुहुन्छ । २०७० सालको संविधानसभा चुनावमा उहाँ काभ्रे क्षेत्र नं १ मा कांग्रेसको तर्फबाट निर्वाचित हुनुभयाे । २०६४ सालको निर्वाचनमा कांग्रेसले ७ हजार मत ल्याएको त्यस क्षेत्रमा ७० सालमा उहाँले १२ हजार भन्दा बढी मत ल्याएर विजयी हुनुभयाे ।

त्यसपछिको संसदमा व्यवस्थापिका संसदको संसदीय दलको नेता, पार्टीको तर्फबाट संसदीय दलको सदस्य हुनुभयाे । वाम गठबन्धनका कारण २०७४ सालको प्रतिनिधि सभा र प्रदेश सभा चुनावमा भने उहाँले पराजय भाेग्नुपरेकाे थियाे ।