पोखरा प्रिमियर लिगले पायो आईसीसीको अनुमति

असोज २२, २०७५ सोमबार १६:३२:८ | उज्यालो सहकर्मी

काठमाडौं – आउँदो कात्तिक ९ गतेदेखि पोखरा रंगशालामा आयोजना हुन लागेको पोखरा प्रिमियर लिगका लागि आईसीसीले अनुमति दिएको छ ।

नेपाल क्रिकेट संघ क्यान निलम्बनमा रहेको अवस्थामा आईसीसीले नै नेपाली क्रिकेटको नियमन गर्दै आएको छ । यसकारण पोखरा प्रिमियर लिगका लागि आईसीसीको अनुमति आवश्यक परेको हो ।

पोखरा प्रिमियर लिगका आयोजक क्वीन्स इभेन्ट म्यानेजमेन्टका प्रवन्ध निर्देशक छुम्बी लामाले सोमबार आईसीसीको अनुमतिपत्र आएको जानकारी दिए । त्यसबापत आयोजकले २० हजार अमेरिकी डलर तिर्नुपर्नेछ । उक्त रकम नेपाली क्रिकेटको विकासका लागि खर्च हुनेछ ।

पोखरा प्रिमियर लिग क्रिकेट आगामी कात्तिक ९ देखि २० गतेसम्म पोखरा रंगशालामा सञ्चालन हुनेछ । त्यसका लागि सहभागी ६ टोलीको घोषणा भइसकेको छ भने खेलाडीको अक्सन पनि सम्पन्न भइसकेको छ ।

पोखरा रंगशालाको स्तरोन्नतिको काम पनि अन्तिम चरणमा पुगेको आयोजक संस्थाका प्रवन्ध निर्देशक लामाले जानकारी दिएका छन् । भारतीय क्युरेटरको समन्वयमा पीच निर्माण कार्य भइरहेको तथा अन्तर्राष्ट्रियस्तरको आउटफिल्ड बनाउने काम पनि अन्तिम चरणमा पुगेको छ ।

प्राकृतिक रुपमा रमणीय पोखरामा क्रिकेट क्रेज बढाएर भविष्यमा सुविधासम्पन्न रंगशालासहित न्युट्रल भेन्यूको रुपमा विकास गर्ने उद्देश्यले पोखरा प्रिमियर लिगको आयोजना गरिएको लामाले बताए ।

याे पनि पढ्नुहाेस्

वाह ! हिमालको काखमा यस्तो राम्रो क्रिकेट मैदान

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्