सर्भरकाे समस्या समाधान, राहदानी वितरण सुरु

पुष २४, २०७९ आइतबार १७:५१:४६ | वैद्यनाथ पाैडेल

काठमाण्डौ – गएको एक हप्तादेखि राहदानी विभागको सर्भरको समस्या आउँदा रोकिएको राहदानी वितरण सेवा सुरु भएको छ । गएको १७ गतेदेखि नै सर्भरमा आएको समस्या शनिवारदेखि समाधान भएसँगै राहदानी वितरण सेवा पनि सुरु भएको विभागका प्रवक्ता दुरपदा सापकोटाकाले जानकारी दिनुभयो ।

सापकोटा भन्नुहुन्छ, ‘खुसीको कुरा के भने अहिले हाम्रो सर्भरको समस्या समाधान भइसकेर शनिवारदेखि 'स्मुथ' चलिराखेको छ, आज पनि हामीले कुनै समस्या 'फेस' गरेनौँ, राहदानी वितरण पनि अब सुरु भयो ।’ विभागमा आएर सेवाग्रहीले बनिसकेको राहदानी लिइरहेका पनि उहाँले बताउनुभयो ।

विभागको सर्भरमा समस्या आउँदा 'बायोमेट्रिक' गरिसकेपछि बनेका राहदानी वितरण रोकिएको थियो । तर नयाँ आवेदन भने विभागले लिइरहेको थियो । प्रवक्ता सापकोटा भन्नुहुन्छ, ‘राहदानी विभागको सर्भर नचलेर राहदानी वितरण ठप्प भएको भन्ने समाचारमा आंशिकमात्र सत्यता छ, नयाँ आवेदन लिएर हामीले बायोमेट्रिक गरिरहेका थियौँ ।’

राहदानी विभागले द्रुत सेवामा राहदानी प्रदान गर्छ । त्यो भनेको तीन दिनमा राहदानी दिनुपर्छ । दि तीन दिनमा राहदानी आएन भने सन्देशसहित नागरिक किन राहदानी आएन भनेर प्रश्न गर्न आउने हुँदा त्यसको जवाफ दिने आफ्नाे दायित्व हुँदा मात्र विभागले सूचना निकालेको बताउनुहुन्छ सापकोटा ।

उहाँ भन्नुहुन्छ, ‘अरू सेवा नियमित छ भनेर हामीले सूचना निकालेका थियौँ । तपाईँले 'एप्वान्टमेन्ट' लिनुभएको छ भने बायोमेट्रिकका लागि आउन सक्नुहुन्छ भनेर 'क्लियर' भनेका थियौँ । तर बजारमा भने पासपोर्ट सेवा बन्द भन्ने 'न्यारेटिभ्स' बन्यो ।’

यस्ताे छ सूचना–

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।