प्रधानमन्त्रीसहित चार वटै सुरक्षा निकायका प्रमुख बुधवार गोरखा आउँदै

पुष २६, २०७९ मंगलबार १९:५९:० | किरण लोहनी

गाेरखा – प्रधानमन्त्री पुष्पकमल दाहाल प्रचण्डसहित चार वटै सुरक्षा निकायका प्रमुख बुधवार गोरखामा आउने भएका छन् । प्रधानमन्त्री दाहाल बुधवारदेखि सुरु हुने ११ औँ गोरखा महोत्सवको उद्घाटन गर्न आउन लाग्नुभएको हो ।

यस्तै ३०१ औँ पृथ्वी जयन्तीको अवसरमा सदरमुकामको ठूलो आँगनमा निर्माण गरिएको पृथ्वीनारायण शाहको सालिक अनावरण तथा 'राष्ट्र निर्माता सलामी' शुभारम्भ गर्न नेपाली सेनाका प्रमुख प्रभुराम शर्मा पनि गोरखा आउन लाग्नुभएको हो । उहाँका साथमा सशस्त्र प्रहरीका महानिरीक्षक राजु अर्याल, नेपाल प्रहरीका महानिरीक्षक धीरजप्रताप सिंह र राष्ट्रिय अनुसन्धान विभागका प्रमुख एवम् मुख्य अनुसन्धान निर्देशक हुत्तराज थापा पनि सहभागी हुने प्रमुख जिल्ला अधिकारी शंकरहरि आचार्यले बताउनुभयो ।

गाेरखाकाे ठूलाे आँगन

प्रधानमन्त्री प्रचण्ड महोत्सव उद्घाटनका लागि उपप्रधान एवम् भौतिक पूर्वाधार तथा यातायातमन्त्री नारायणकाजी श्रेष्ठसहित दिउँसो १२ देखि १ बजेको समयमा हेलिकप्टरमार्फत आइपुग्ने प्रजिअ आचार्यकाे भनाइ छ । सुरक्षा निकायका प्रमुखहरू भने दिउँसो ३ बजे हुने सालिक अनावरण कार्यक्रमका लागि त्यसको झन्डै एक घण्टाअघि हेलिकप्टरबाटै गोरखा सदरमुकाम आइपुग्ने कार्यक्रम रहेको उहाँले जानकारी दिनुभयो ।

प्रधानमन्त्रीसहितका सुरक्षा प्रमुख आउने भएकाले गोरखामा मंगलवारदेखि नै सुरक्षा सतर्कता बढाइएको छ । बुधवार महोत्सव उद्घाटन कार्यक्रम हुने हरमटारी खेलकुद मैदान आसपास र सालिक निर्माण गरिएको आसपासको क्षेत्रमा सवारी साधन आवतजावतमा रोक लगाइएको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्रीसहित चार वटै सुरक्षा निकायका प्रमुख बुधवार गोरखा आउँदै

फाइल फाेटाे

तपाईको प्रतिक्रिया