कृषि, पर्यटन तथा औद्योगिक प्रदर्शनी गर्ने उद्देश्यले अर्घाखाँची महोत्सव सुरु

माघ ११, २०७९ बुधबार २०:११:० | प्रेमनारायण आचार्य

अर्घाखाँची – अर्घाखाँचीको सन्धिखर्कमा आन्तरिक तथा बाह्य पर्यटक भित्र्याउने उद्देश्यले आजदेखि माघ २४ गतेसम्म अर्घाखाँची महोत्सव एवम् कृषि, पर्यटन तथा औद्योगिक प्रदर्शनी मेला सुरु भएको छ ।

अर्घाखाँचीलाई व्यवसायिक पर्यटकीय हिसाबले देश विदेशमा चिनाउन, जिल्लामा स्थापित भएका घरेलु तथा कृषिबाट उत्पादित वस्तुहरुको प्रवर्द्धन गर्नको लागि महोत्सवको आयोजना गरिएको उद्योग वाणिज्य संघका अध्यक्ष प्रदिप मिश्रले बताउनुभयो ।

१४ दिनसम्म सञ्चालन हुने महोत्सवमा एक लाखभन्दा बढी दर्शकले अवलोकन गर्ने र ५ करोडको कारोबार हुने अपेक्षा रहेको अध्यक्ष मिश्रको भनाइ छ ।

अर्घाखाँची उद्योग वाणिज्य संघ र अर्घाखाँची चेम्बर अफ कमर्सले ‘पाँचौं अर्घाखाँची महोत्सव–२०७९’ आयोजना गरेका हुन् ।

महोत्सवको उद्घाटन पूर्व उपप्रधानमन्त्री तथा प्रतिनिधि सभाका सदस्य टोपबहादुर रायमाझीले पानसमा दीप प्रज्वलन गरेर गर्नु भएको छ।

मेला उद्घाटन गर्दै नेकपा एमालेका सचिव तथा पूर्व उपप्रधानमन्त्री रायमाझीले अहिले देश र अर्थतन्त्र संकटमा परेको बताउँदै अर्थतन्त्र चलायमान बनाउन मेलाले महत्वपूर्ण भूमिका खेल्ने बताउनु भयो ।

वामपन्थीहरुँंगै अन्य दलहरु मिलन भएर सरकार बनेका कारण यो पूरा अवधिसम्म जान्छ वा जाँदैन भनेर अहिले भन्न नसकिने अवस्था रहेको रायमाझीको भनाइ छ । त्यस्तै अहिले देशको अर्थतन्त्र खराब अवस्थामा रहेकाले यसको नियन्त्रणमा सबै लाग्नु पर्ने समय आएको पनि उहाँले बताउनुभयो ।

‘समृद्ध र सुखी अर्घाखाँची निर्माणको आधार’ भन्ने नाराका साथ सन्धिखर्कको कुँडुले फाँटमा कृषि, पर्यटन, उद्योग र व्यापार महोत्सव सञ्चालन भएको हो ।

महोत्सवमा जिल्लामा भएका धार्मिक तथा पर्यटकीय स्थलको प्रचारप्रसार गर्ने तथा स्थानीय स्तरमा उत्पादन हुने सुन्तला, कफी तथा अन्य उत्पादित वस्तुको प्रचारप्रसार गरी पर्यटक भित्र्याउन तथा जिल्लालाई चिनाउनका लागि महोत्सवले भूमिका खेल्ने सन्धिखर्क नगरपालिकाका नगर प्रमुख कृष्ण प्रसाद श्रेष्ठले बताउनुभयो ।

उत्पादित वस्तुहरुको प्रवर्द्धन गर्न र पर्यटकीय क्षेत्रको प्रचार गर्न महोत्सवले भूमिका खेल्ने सन्धिखर्क नगरपालिकाका नगर प्रमुख श्रेष्ठको भनाइ छ ।

महोत्सवको उद्घाटन सत्रमा विभिन्न समुदायहरुले आफ्नाे जातीय र भेषभुषा झल्कने खालका झाँकीहरुसमेत प्रदर्शन गरेका थिए । महोत्सवमा स्थानीय नेवारी समुदायको मौलिक नाच, भैरव नाच, सोरठी नाच, मारुनी नाच, अर्घाका पञ्चेबाजालगायत प्रदर्शन गरिएकाे थियाे ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्