भारतका विदेश राज्यमन्त्री एमजे अकबर पनि #Me Too को आरोपले घेरिए

असोज २४, २०७५ बुधबार २०:१६:१० | एजेन्सी

भारतमा चलिरहेको #Me Too अभियानमा फेरि एउटा नाम अगाडि आएको छ । चर्चित सम्पादक तथा वर्तमान सरकारमा विदेश राज्यमन्त्री रहेका एमजे अकबरमाथि पनि यौन दुर्व्यवहारको आरोप लागेको छ ।

राज्यमन्त्री एमजे अकबरमाथि(प्रिडेटरी बिहेबियर’ को आरोप लागेको छ । जसमा उनले महिलाहरुलाई मिटिङको नाममा होटेल बोलाउने गरेको आरोप लागेको छ ।

यो आरोपमा राज्यमन्त्री अकबर तथा विदेश मन्त्रालय दुवैले केही प्रतिक्रिया दिएका छैनन् । तर केन्द्रीय महिला तथा बाल कल्याण मन्त्री मेनका गान्धीले राजनेतालगायतका व्यक्तिमाथि लगाइएको आरोपको अनुसन्धान हुनुपर्ने बताएकी छिन् ।

पछिल्ला केही दिनमा भारतमा अभिनेता, पत्रकार, लेखक तथा फिल्म निर्मातामाथि यौन दुर्व्यवहारको आरोप लागेको छ । यसमा सबैभन्दा माथिल्लो तहका व्यक्ति एमजे अकबर हुन् ।

भारतका प्रभावशाली सम्पादकमध्ये एक रहेका एमजे अकबर ‘द टेलिग्राफ’, ‘द एसियन एज’ को सम्पादक र इन्डिया टुडेको एडिटोरियल डाइरेक्टर बनेका थिए ।

सबैभन्दा पहिले अकबरको नाम सोमबार वरिष्ठ पत्रकार प्रिया रमानीले लिएकी थिइन् । उनले एक वर्ष पहिलो भोग इन्डियाका लागि ‘टु द हार्बे वाइन्स्टिन्स अफ् द वर्ल्ड’ शीर्षकमा एउटा लेख लेखेकी थिइन् । उनले सोमबार त्यही लेखलाई रिट्वीट गर्दै त्यो लेख एमजे अकबरको बारेमा भएको खुलासा गरेकी थिइन् । उनले लेखेको लेखमा भने अकबरको नाम थिएन । त्यसपछि अन्य पाँच जना महिलाले पनि अकबरको नाम लिएका थिए ।

को हुन् अकबर ?

वरिष्ठ पत्रकार एमजे अकबर सन् २०१४ मा भएको लोकसभा चुनावभन्दा केही समय पहिले भारतीय जनता पार्टी(बीजेपी) मा प्रवेश गरेका थिए ।
सन् २०१५ मा उनी झारखण्डबाट राज्यसभा सदस्यका रुपमा चुनिएका थिए ।
कुनै समय राजीव गान्धीको खास मान्छे रहेका एमजे अकबर १९८९ मा बिहारको किशनगञ्जब क्षेत्रबाट कांग्रेसको टिकटमा लोकसभा सदस्य चुनिएका थिए ।
राजीव गान्धीको प्रधानमन्त्री कालमा एमजे अकबर उनका प्रवक्ता थिए ।
सन् १९९१ मा उनी फेरि चुनावी मैदानमा उत्रिए, तर हार व्यहोरे ।
चुनावमा हार व्यहोरेपछि एमजे अकबर पुनः पत्रकारितामा फर्किएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्