भै‌ंसी बेचेर दसैं मनाउने तयारीमा कर्मचारी

असोज २५, २०७५ बिहीबार १४:३६:३७ | दीपक भट्ट

रामेछाप – जिल्ला प्राविधिक कार्यालय रामेछापका कर्मचारी कृष्ण प्रसाद पौडेल र उनका साथी श्याम पौडेलले यस वर्षको दसैं घरको भैंसी बेचेर मनाउने तरखरमा छन् ।

लामो समयदेखि कार्यालयले तलब पनि खुवाउन नसकेपछि उनीहरुले दूध खानको आफ्नो गोठमा लागि पालेको भैंसी बिक्रि गर्ने निष्कर्षमा पुगेका हुन् ।

कार्यालय प्रमुखसहित ६ जनाको दरबन्दी रहेको प्राविधिक कार्यालयमा ४ जना सरुवा भएर गएकाले अहिले त्यस कार्यालयमा कार्यालय प्रमुख र २ जना कर्मचारीमात्र रहेका छन् ।

तीनजनामध्ये २ जना कर्मचारीले भने गत साउनदेखि नै तलब खान नपाएकोले दशैको मुखमा आएर आफुहरुलाई समस्या परेको वताए ।

दसैंमा लाग्ने खर्च र सामानको मूल्यवृद्धि लगायतका कारणले दसैं मान्नका लागि आफूले भैंसी बेच्नका लागि ग्राहक बोलाइसकेको पनि कृष्ण पौडेलले बताउनुभयो ।

तर त्यस कार्यालयका कार्यालय प्रमुख कृष्ण लाल पिया आफूले भने तलब खाइसकेका छन् । जिल्लाको प्राविधिक कार्यालय मात्र होइन डिभिजन खानेपानी कार्यालय र डिभिजन सिंचाई कार्यालय लगायतका कर्मचारीहरुले पनि अहिलेसम्म तलब खान नपाएको गुनासो गरेका छन् ।

उनीहरुले पनि गएकाे साउन महिनादेखि नै तलब खान नपाएको बताएका छन् ।

डिभिजन खानेपानी कार्यालयका प्राविधिक महेन्द्र प्रधानले पनि आफूहरु अन्यायमा परेको बताउनुुभयो । उहाँले भन्नुभयो, ‘दशैको मुखमा आएर कार्यालयले हामीलाई तलब खान नदिएर दसैं मान्नकै लागि पनि समस्या पारेको छ ।’

संघियता लागू भएसँगै सरकारले कार्यालय र कर्मचारीको उचित व्यवस्थापन गर्न नसक्दा कतिपय कार्यालयका कर्मचारीहरुलाई दसैंको मुखमा आएर तलब खान र दरबन्दी मिलानमा समेत समस्या परेको सरोकारवालाहरुले बताएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्