भारतलार्इ सुरुमै झड्का: गुमायाे पृथ्वी श, पुजारा र के एल राहुलकाे विकेट

असोज २७, २०७५ शनिबार १३:५०:२५ | उज्यालो सहकर्मी

वेस्ट इन्डिजविरुद्धको दोस्रो टेस्टको पहिलो पारिमा भारतले सुरुवाती ३ विकेट गुमाएकाे छ ।

अाेपनिङमा अाएका के एल राहुलकाे विकेटबाट वेस्ट इन्डिजले खाता खाेलेकाे हाे । उनलार्इ खेलकाे ८.४ अाेभरमा जेसन हाेल्डरले व्यक्तिगत ४ रनमा बाेल्ड गरेका थिए ।

त्यसपछि राहुलसँगै अाेपनिङमा अाएका डेब्यु खेलाडी पृथ्वी श खेलकाे १८.४ अाेभरमा ठूलाे शट प्रहार गर्ने क्रममा वारिकनकाे बलमा हेतमेयरकाे हातबाट क्याच अाउट भए । उनले ५३ बलमा ७० रन बनाएर अाक्रामक खेल खेलिरहेका थिए ।

वेस्ट इन्डिजका बलर ग्याब्रियलले तेस्राे विकेटकाे रुपमा टेस्ट फर्म्याटका बलिया खेलाडी चेतेश्वर पुजारालार्इ खेलकाे १९.६ अाेभरमा ४१ बल खेलेर व्यक्तिगत १० रन बनाएकाे अवस्थामा पेभेलियनकाे बाटाे देखाए ।

यतिबेला क्रिजमा कप्तान विराट काेहली र अजिंक्या रहाणे छन् । ३६ अाेभरकाे खेल सकिंदासम्म भारतले ३ विकेट गुमाउँदै १४६ रन बनाएकाे छ । यसका लागि काेहलीले ५७ बलमा ३२ र रहाणेले ४३ बलमा १५ रनकाे याेगदान दिएका छन् यसअघि, भारतविरुद्धको दोस्रो टेस्टको पहिलो पारिमा वेस्ट इन्डिज ३११ रनमा अल आउट भएको थियाे ।

टस जितेर पहिला ब्याटिङ गरेको वेस्टइन्डिज दोस्रो दिनको पहिलो सत्रमा अल आउट भएको हो । पहिलो दिन ७ विकेट गुमाएर २८६रन बनाएको वेस्ट इन्डिजले बाँकी रहेका ३ विकेट आज ११.१ ओभरमा गुमाएको थियो । एक समय दबाबमा आएको वेस्ट इन्डिजलाई ज्यासन होल्डर र रोस्टन चेजले १०४ रनको साझेदारी गरेपछि वेस्टइन्डिले मध्ययम स्कोर खडा गर्न सफल भएको हो । जसमा रोस्टनले १०६रन बनाए ।

भारतका उमेश यादवले ६ तथा कुलदीप यादवले ३ विकेट लिएका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्