फ्रेन्ड्सले जावलाखेललाई हरायो, सङ्कटा र चर्च ब्वाइजले बराबरी खेले

फागुन ३०, २०७९ मंगलबार १७:४५:२९ | उज्यालो सहकर्मी

काठमाण्डाै – शहीद स्मारक ए डिभिजन लिग फुटबलमा फ्रेन्ड्स क्लबले जावलाखेल युथ क्लबलाई हराएको छ ।

दशरथ रङ्गशालामा मङ्गलवार भएको खेलमा फ्रेन्ड्सले जावलाखेललाई २–१ गोल अन्तरले हरायो । फ्रेन्ड्सका लागि राफिक एमिनु र प्रकास बुढाथोकीले गोल गरे । जावलाखेलका फोडे फोफानाले गोल गरे । फ्रेन्ड्सले ४ खेलमा ४ अङ्क जोडेको छ, जावलाखेलको ७ अङ्क छ ।

आजै एन्फा मैदानमा भएको खेलमा चर्च ब्वाइज युनाइटेड र सङ्कटा क्लबले गोलरहित बराबरी खेलेका छन् । दुवै टोलीले केही राम्रा अवसर पाए पनि सदुपयोग गर्न सकेनन् । चर्च ब्वाइज १० अङ्कसहित शीर्ष स्थानमा र सङ्कटा ५ अङ्कसहित आठौँ स्थानमा छ ।

अहिले मच्छिन्द्र फुटबल क्लब र नेपाल पुलिस क्लबबीच खेल भइरहेको छ । साविक विजेता मच्छिन्द्र ३ खेलमा १ अङ्कका साथ १३ औँ स्थानमा छ भने पुलिस ३ खेलमा अङ्कविहीन हुँदै पुछारमा छ ।

यस सिजनको ए डिभिजन लिग डबल राउन्ड रोबिनको आधारमा भइरहेको छ । यस पटकको लिगमा कुल १ सय ८२ वटा खेल हुनेछन् । यस पटकको लिग विजेताले ७५ लाख, दोस्रो टोलीले ५० लाख र तेस्रो हुने टोलीले २५ लाख रुपैयाँ पाउनेछन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्