नेपाल विश्वमै जलस्रोतमा दोस्रो ठूलो देश, तर खानेपानीको समस्या भोग्दै नागरिक

चैत ८, २०७९ बुधबार ९:७:० | उज्यालो सहकर्मी

काठमाण्डौ – पानीको उपयोग तथा त्यसका स्रोतको संरक्षणमा जोड दिँदै आज विश्व पानी दिवस मनाइँदैछ ।

जलाधार क्षेत्रको संरक्षण, स्वच्छ पिउने पानीको अभावमा मानव शरीरमा लाग्ने रोगलगायत पानीको महत्वबारे चेतना जगाउन सरकारी तथा विभिन्न गैरसरकारी संघसंस्थाले विविध कार्यक्रम गर्दै छन् ।

संयुक्त राष्ट्रसंघीय वातावरण तथा विकास महासभाले सन् १९९३ को मार्च २२ तारिखमा विश्व पानी दिवस मनाउने घोषणा गरेको थियो ।

पञ्चतत्वमध्येको एक पानी सबै जीव र वनस्पतिका लागि आवश्यक मानिन्छ । पानी भएकै ठाउँमा जीवन सम्भव भएकाले पानी नै जीवन हो भन्ने गरिन्छ ।

पिउने पानी स्वच्छ र सुरक्षित भयो भने ८० प्रतिशत रोग नलाग्ने डाक्टरहरुले बताउँदै आएका छन् । पृथ्वीको दुईतिहाई भाग पानीले ढाकेको छ । तर, सबै पानी पिउनयोग्य छैन ।

समुद्र र महासागरको पानी नुनिलो छ । यसले पृथ्वीको ९७ दशमलव ५ प्रतिशत भाग ओगटेको छ । २ दशमलव ५ प्रतिशत पानी मात्र पिउनका लागि योग्य मानिएको छ ।

नेपाल विश्वमै जलस्रोतमा दोस्रो ठूलो देश भनिए पनि धेरै सहर, बजार र गाउँमा खानेपानीको समस्या छ ।

दिवसका अवसरमा राष्ट्रपति रामचन्द्र पौडेलले भविष्यमा आउन सक्ने पानीको सङ्कटलाई दृष्टिगत गर्दै भूमिगत पानीको स्रोतमा कमी हुन नदिन जलाधार क्षेत्र र गाउँ–गाउँमा रहेका आहाल, पोखरी, तालतलैयाहरूको संरक्षण गर्न आवश्यक रहेको बताउनुभएको छ ।

उहाँले सहरी क्षेत्रमा वर्षात्को पानीमार्फत भूमिगत पानीका स्रोत बढाउन पूर्वाधार निर्माण गर्दा सम्बद्ध सबै पक्षले ध्यान दिनुपर्नेमा जोड दिनु भएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाल विश्वमै जलस्रोतमा दोस्रो ठूलो देश, तर खानेपानीको समस्या भोग्दै नागरिक

फाइल तस्बिर

तपाईको प्रतिक्रिया