सुत्केरी महिलालाई उपमेयरको कोसेली

चैत ११, २०७९ शनिबार १२:२५:७ | उज्यालो सहकर्मी

डोटी – डोटीको शिखर नगरपालिकाले नगरपालिकामा रहेका सुत्केरी महिलाहरुलाई पोषणयुक्त खानेकुरा वितरण गरेको छ । उपमेयरसँग सुत्केरी महिला कार्यक्रम अन्तर्गत नगरका सुत्केरी महिलाहरुलाई पोषणयुक्त खानेकुरासँगै कम्मल वितरण गरिएको हो ।

शिखर नगरपालिका वडा नम्बर १०, ८ र ११ बाट कार्यक्रमको थालनी गरिएको हो । वडा नम्बर १० का २४ जना, वडा नम्बर ८ का ९ जना र वडा नम्बर ११ का ११ जना सुत्केरी महिलाहरुलाई सामग्री वितरण गरिएको स्वास्थ्य शाखा प्रमुख हरिश शाहले जानकारी दिनुभयो । उहाँका अनुसार कोसेलीमा न्यानो लुगा, सरसफाइका सामग्री, पोषणयुक्त खानेकुराहरु वितरण गरिएको हो ।

यसैगरी नगरका अन्य वडाका सुत्केरी महिलाहरुलाई पनि कोसेली उपलब्ध गराइने नगरपालिकाले जनाएको छ । पोषणयुक्त खानेकुराहरु खाने र सरसफाई गर्ने बानीको विकास होस् भन्ने उद्येश्यले सामग्री वितरण गरिएको उपप्रमुख सुनिता रावलले बताउनुभयो । उहाँले भन्नुभयो, ‘सुत्केरी महिलाको हेरचाह, स्वास्थ्य अवस्थाका बारेमा जानकारी हुने, नवजात शिशुको स्याहार, सरसफाई र आमाको स्वास्थ्यको ख्याल गर्नुपर्छ भन्ने सन्देश पनि दिन सकिने भएकाले स्वाथ्यकर्मीसहित यो कार्यक्रम राखिएको हो ।’

नगरवासीको स्वास्थ्यलाई पहिलो प्राथमिकतामा राखिएको नगर प्रमुख दीर्घ बलायरले बताउनुभयो । उहाँले भन्नुभयो, ‘मानिसको स्वास्थ्य स्वस्थ भयो भने मात्रै अन्य कामहरु गर्न सकिन्छ, हामीले हाम्रो क्षेत्रका महिलाहरुको स्वास्थ्यलाई झनै प्राथमिकतामा राखेका छौँ । स्वास्थ्य संस्थाको सेवा बृदी, उपचार, एम्बुलेन्स सेवा, सिविर जस्ता विविध कार्यक्रमहरु सञ्चालन गर्दै आएका छौं त्यसै मध्यको यो कार्यक्रम पनि हो ।’

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्