सरकारले अरूलाई दाेष थुपारेर काममा ढिलासुस्ती गर्ने छुट छैन : गगन थापा

चैत २६, २०७९ आइतबार २०:२१:२७ | हेमराज शर्मा

दाङ – नेपाली कांग्रेसका महामन्त्री गगन थापाले सरकारले अरूलाई दोष थुपारेर काममा ढिलासुस्ती गर्ने छुट नभएको बताउनुभएको छ ।

नेपाली कांग्रेस दाङको प्रथम जिल्ला सम्मेलनलाई आइतवार घोराहीमा सम्बोधन गर्दै महामन्त्री थापाले केन्द्रदेखि पालिकासम्म वर्तमान गठबन्धनकै सरकार रहेकाले अरूलाई दोषारोपण गर्ने र काममा कन्जुस्यायँ गर्ने छुट नरहेको बताउनुभयो । ३५ वर्षपछि देशको आर्थिक अवस्थामा सङ्कट देखापरेको, नागरिकमा निराशा छाएको भन्दै उहाँले पाँच वर्षमा गर्नुपर्ने काम अहिलेकाे सरकारले पाँच महिनामा गर्नुपर्ने बाध्यता आएको हुँदा त्यहीअनुरूप काम गर्न जरुरी रहेको बताउनुभयो ।

प्रतिकूलतालाई अनुकूलतामा ढालेर काम गर्नुपर्ने बताउँदै उहाँले यही कुरा आफूले प्रधानमन्त्री पुष्पकमल दाहाल प्रचण्डलाई शनिवारको भेटमा सजग तुल्याएको बताउनुभयो ।

महामन्त्री थापाले पार्टीको नीति सिद्धान्तभन्दा पनि केही व्यक्ति र उनीहरूको कामका कारण नेपाली कांग्रेसमाथि टिप्पणी हुने गरेको भन्दै पार्टीलाई अब नयाँ शिराबाट लैजान जरुरी रहेको जिकिर गर्नुभयो । उहाँले पार्टीलाई २००७ सालको क्रान्तिकारी चेत, १५ सालको जस्तो काम, २०४८ सालको जस्तो लोकप्रिय बनाउँदै २१ औँ शताब्दीको आधुनिक पार्टी बनाउन सकै लाग्नुपर्नेमा जोड दिनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारले अरूलाई दाेष थुपारेर काममा ढिलासुस्ती गर्ने छुट छैन : गगन थापा

फाइल तस्बिर

तपाईको प्रतिक्रिया