काठमाण्डाै – संस्कृति पर्यटन तथा नागरिक उड्डयनमन्त्री सुदन किरातीले राष्ट्रिय ध्वजावाहक नेपाल वायु सेवा निगम (नेपाल एअरलाइन्स) लाई प्रश्न साेध्नुभएकाे छ । 

मन्त्री किरातीले निगमलाई जहाजकाे पाङ्ग्रा बिग्रिएकाेदेखि विमानस्थलमा सामान हराइरहेका गुनासाेकाे बारेमा आज साेमवार प्रश्न साेध्नुभएकाे हाे । निगमका जहाजमा पटक–पटक समस्या देखिँदै आएकाे छ । पाइलट बिरामी पर्दा अर्का पाइलट नहुँदा उडान ढिलाे हुने गरेकाेदेखि जगेडा पाङ्ग्रा नहुँदा पटक–पटक निगमकाे उडानमा ढिलाइ हुँदै आएकाे छ । निगमकाे प्राविधिक र व्यवस्थापकीय कमजोरी सुधार्नका लागि मन्त्री किरातीले प्रश्न साेध्नुभएकाे हाे । उहाँले साेधिएका प्रश्नकाे तीन दिनभित्र उत्तर पेस गर्न पनि निगमलाई भन्नुभएकाे छ ।  

यस्ता छन् प्रश्न–

१. चार्टर्ड उडानबाट निगमलाई आर्थिक भार के कति पर्न गएको हो ? स्पष्ट नभएकोले पुनः स्पष्ट बनाउने । 

२. दिल्लीमा निगमकाे जहाजकाे पाङ्ग्रा बिग्रेका कारण उडानमा ढिलाइ भएको सम्बन्धमा पाङ्ग्रालगायत सानातिना पार्टपुर्जाको व्यवस्था निगमको उडान हुने गन्तव्यमा किन राख्न नसकिएको हो ? साथै यसबाट आर्थिक भार के कति पर्न गयो ?

३. काठमाण्डाै–दुबई सेक्टरमा उडानकाे अभावले जहाज उडानमा ढिलाइ भएको जानकारी प्राप्त भएको सन्दर्भमा जानकारी प्राप्त हुँदा हुँदै पाइलटको व्यवस्था किन गर्न नसकिएको हो  ? यसबाट संस्थालाई के कति आर्थिक भार पर्न गयो ?  

४. विमानस्थलमा सामान हराइरहेका गुनासो बारम्बार आइरहेकोले त्यसलाई नियन्त्रण गर्ने कार्ययोजना के–कस्तो छ ? पेस गर्ने ।

५. म संस्कृति, पर्यटन तथा नागरिक उड्डयन मन्त्रालयमा पदबहालीपछि ट्विनअटर जहाज कति पटक 'ग्राउन्डेड' भयो ? यसबाट संस्थालाई आर्थिक भार कति पर्न गयो ? अब आउँदाे दिनमा यस्तो हुन नदिने कार्ययोजना हुनुपर्छ कि पर्दैन ? पेस गर्ने ।