सबै दुर्गम जिल्लामा पाठ्यपुस्तक पुग्यो, नपुगेमा सम्पर्क गर्न सरकारको आग्रह

वैशाख ४, २०८० सोमबार ८:३:३२ | उज्यालो सहकर्मी

काठमाण्डाै - यस वर्ष नयाँ शैक्षिकसत्र सुरु भएसँगै सबै ठाउँमा पाठ्यपुस्तक पुर्याउने गरी काम भइरहेको सरकारले जनाएको छ । अति दुर्गम र हिमाली गरी ६० जिल्लामा पाठ्यपुस्तक पुर्‍याइसकिएको र अरु जिल्लामा पनि कक्षा सुरु हुने बेलासम्म पुगिसक्ने जनक शिक्षा सामग्री केन्द्र लिमिटेडले जनाएको छ ।

शिक्षा तथा मानवस्रोत विकास केन्द्रले पाठ्यपुस्तक नपुगेको अवस्थामा तत्काल सम्पर्क गर्न अपिल गरेको छ । केन्द्रका प्रवक्ता रुद्रप्रसाद अधिकारीका अनुसार पाठ्यपुस्तक नपुगेका पालिकाले सम्बन्धित शिक्षा कार्यालय वा काठमाण्डौमा जनक शिक्षा लिमिटेड र शिक्षा तथा मानवस्रोत विकास केन्द्रमा सिधै सम्पर्क गर्न सकिन्छ । जनक शिक्षाका अनुसार यस शैक्षिक सत्रको लागि आवश्यक सबै पाठ्यपुस्तक छपाइ पूरा भएर वितरणको काम पनि धमाधम भइरहेको छ ।

सरकारी स्वामित्वमा रहेको जनक शिक्षा सामग्री केन्द्रले कक्षा ६ देखि १० को १ करोड ५० लाख थान र निजी क्षेत्रले कक्षा १ देखि ५ को १ करोड १८ लाख थान पाठ्यपुस्तक छापेका हुन् । पाठ्यपुस्तक वितरण गर्न केन्द्रले देशभर १ हजार २ सय ६७ वटा स्थानीय बिक्रेता तोकेको छ ।

हिजो आइतवारदेखि नयाँ शैक्षिक सत्र सुरू भइसकेको छ । सरकारले यसवर्ष बालबालिका भर्ना भएसँगै हातहातमा नयाँ पाठ्यपुस्तक वितरण गर्ने कार्यक्रम तय गरेको छ । यसैअनुसार दुर्गम जिल्लालाई प्राथमिकता दिएर पाठ्यपुस्तक वितरण थालिएको हो ।

जनक शिक्षाले पाठ्यपुस्तक अभाव हुन नदिन र समयमै विद्यालयमा पुस्तक पुर्‍याउने वातावरण बनाउन बिक्रेतालाई आग्रह गरेको छ ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्