रामेछाप दुर्घटना अपडेट: ९ मध्ये ५ घाइतेकाे अवस्था गम्भीर, सेनाकाे अस्पतालमा उपचार हुँदै

कात्तिक ४, २०७५ आइतबार १९:८:१३ | दीपक भट्ट

रामेछाप – शनिबार बेलुका मन्थलीबाट रामेछापकै गोठगाउँतिर आउँदा भएको बलेरो जीप दुर्घटनामा घाइते भएका ९ मध्ये ५ जनाको अवस्था गम्भीर भएको छ । उनीहरुकाे काठमाडाैंको छाउनीमा रहेको नेपाली सेनाको अस्पतालमा उपचार भइरहेको छ ।

दशैंको टिका लगाएर मन्थली नगरपालिका वडा नं–४ सालुको कुकुरकाटे भन्ज्याङ्गवाट रामेछाप नगरपालिका वडा नं–१ गोठगाउँ तर्फ जाँदै गरेको ना १ ज ४८१२ नम्बरको बलेरो जीप रामेछाप नगरपालिका वडा नं–२ को देउरालीको खरानेटारमा दुर्घटना भएको थियो ।

बलेरो जीप सडकबाट करिव ३ सय मिटर तल पल्टँदा गाडीमा सवार २ जनाको घटनास्थलमा नै मृत्यु भएको थियो भने जिप चालकको उपचारको क्रममा काठमाडौं लैजाँदा बाटोमा मृत्यु भएको थियो ।

मृत्यु हुनेमा रामेछाप नगरपालिका वडा नं १ का आमा वर्ष ६० की ललिमाया कार्की र उनका छोरा वर्ष ४० का दुर्गावहादुर कार्की र गाडी चालक ४० वर्षीय का हेमवहादुर खत्री रहेका छन् ।

अन्य गाडीमा सवार मध्ये रामेछाप नगरपालिका वडा नं १ का नारायण सापकोटा, उनकी श्रीमती शान्ता सापकोटा, छोरी निर्जला सापकोटा, निरुता सापकोटा र छोरा सार्थक सापकोटा घाइते भएका थिए ।

यी सबै घाइतेहरुको अवस्था गम्भीर रहेकाले काठमाडाैंको छाउनीमा रहेको नेपाली सेनाको अस्पतालमा उपचार भइरहेको छ ।

बाँकी घाइते हुनेमा त्यसै वडाकी उषा कार्की र युनिषा कार्की रहेका छन् भने रामेछाप नगरपालिकाका वडा नं १ का गोरे वि.क.रहेका छन् ।

उनीहरुको उपचार काभ्रेको धुलिखेल अस्पतालमा भइरहेको जिल्ला प्रहरी कार्यालय रामेछापले जनाएको छ ।

गाडीमा ९ जनाको सिट क्षमता भएता पनि ११ जना यात्रुहरु कोचाकोच गरेर लगिएको थियो ।

घटनास्थलबाट जीप करिव ३ सय मिटर तल भिरमा खसेकाले उद्धार गर्न केही समस्या भएको भएको थियो । तर जिल्ला प्रहरी कार्यालय मन्थलीवाट पुगेको प्रहरी टोली र स्थानीयहरुको सहयोगमा समयमा न उद्धार गरिएको थियो ।

घटनाको जानकारी पाएसँगै मन्थलीवाट प्रहरी निरीक्षक शेख अदालतको नेतृत्वमा प्रहरी टोली घटनास्थल पुगेको जिल्ला प्रहरी कार्यालय रामेछापले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्