मुगुको पाटनमा यार्सा टिप्न गएका ३ जना बेपत्ता, खोजीका लागि टोली पुग्दै

वैशाख २४, २०८० आइतबार ७:३७:५७ | नेत्र शाही

जुम्ला – मुगुको पाटनमा यार्सा टिप्न गएका ३ जना बेपत्ता भएका छन् । मुगूम कार्मारोङ गाउँपालिका–२ च्यार्खु लेखमा उनीहरु बेपत्ता भएका हुन् ।

जिल्ला प्रहरी कार्यालय मुगुका प्रहरी निरीक्षक तथा निमित्त कार्यालय प्रमुख सुदर्शन पन्थीका अनुसार मुगु र डोल्पाको सीमामा रहेको पाटन च्यार्खु लेखमा बेपत्ता हुनेमा जुम्ला पातारासी–२ तल्फि गाउँका ४२ वर्षीय तारासिंह सार्की, ३८ वर्षीय पूर्ण सिंह सार्की र ३६ वर्षका बीर बोहोरा रहेका छन् ।

पातारासीका यार्सा टिप्न गएमा १५ जनामध्ये ३ जना हिमपहिरोमा पुरिएको जानकारी आएपछि खोजीका लागि आज इलाका प्रहरी कार्यालय मुगुबाट टोली खटिएको प्रहरी निरीक्षक पन्थीले जानकारी दिनुभयो । तर टोली पुग्न नै तीन दिन लाग्ने र हिमपात पनि भैरहेकाले समस्या भएको उहाँको भनाई छ ।

उहाँका अनुसार तीन जना शुक्रवार नै हिमपहिरोमा पुरिएका भए पनि ढिला गरी जानकारी प्राप्त भएको हो । स्थानीय बासिन्दाले तत्काल खोजी र उद्धारका लागि माग गरेका छन् ।

गएको मंगलवार दार्चुलाको व्यास गाउँपालिका– १, भोलुङमा हिमपहिरो जाँदा यार्सागुम्बा टिप्न गएका पाँच जना बेपत्ता भएका थिए ।

बेपत्ता पाँच जनामध्ये दुई महिला र एक पुरुष गरी तीन जनाको शव भेटिएको थियो भने दुई जनाको अवस्था अझै थाहा हुन सकेको छैन ।

उनीहरुको खोजी भैरहेको दार्चुलाका प्रमुख जिल्ला अधिकारी किरण जोशीले जानकारी दिनुभएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मुगुको पाटनमा यार्सा टिप्न गएका ३ जना बेपत्ता, खोजीका लागि टोली पुग्दै

प्रतीकात्मक तस्बिर

तपाईको प्रतिक्रिया