लिखु खोला–२ काे सुरुङमार्गबाट पानी चुहिएर बस्तीमा पसेपछि ४० भन्दा धेरै घरधुरी त्रासमा

जेठ १२, २०८० शुक्रबार १४:४२:१८ | उज्यालो सहकर्मी

काठमाण्डाै – लिखुखोला–२ जलविद्युत् आयोजनाको सुरुङमार्गबाट पानी चुहिएर बस्तीमा पसेपछि रामेछापको उमाकुण्ड गाउँपालिकाका ४० भन्दा धेरै घर जोखिममा परेका छन् ।

निर्माण सम्पन्न हुन लागेको लिखुखोला–२ काे सुरुङमा छाडिएको पानी उमाकुण्ड–१ काे पेकरनास, कोरेम र बच्छीमा चुहावट भई बस्तीमा पसेसँगै ४० भन्दा धेरै घर जोखिममा परेका हुन् । कहिल्यै पानी नदेखिने ठाउँमा एकाएक पानीका मूल देखिन थालेपछि स्थानीयवासी त्रसित बनेका पेकरनासका राजेन्द्र खत्रीले जानकारी दिनुभयो । स्थानीयवासीले घटनाको विषयमा स्थलगत अनुसन्धान गरी आवश्यक कारबाहीको माग गरेका छन् ।

यसअघि पानी रहेका मुहानमा पानीको मात्रा निकै बढेको र कहिल्यै पानी ननिस्कने ठाउँमा समेत पानी देखिएपछि गाउँलेहरू विस्थापित भएका स्थानीय सुवास बस्नेतले बताउनुभयो । जलविद्युत् आयोजनाले सुरुङमा पानी पठाएदेखि नै गाउँमा जताततै पानी देखिएपछि आफूहरूले बस्ती अन्यत्र स्थानान्तरण गरिदिनु पर्ने माग लिएर आयोजनाको कार्यालयमा धर्नासमेत दिएको उहाँले बताउनुभयो ।

उमाकुण्ड गाउँपालिकाका अध्यक्ष शेरबहादुर सुनुवारले गाउँपालिका–१ काे गुम्देलमा निर्माणाधीन ५५ मेगावाट क्षमताको लिखु–२ जलविद्युत् आयोजनाका कारण स्थानीय नागरिकको भागदौड र चित्कार भएको बताउनुभयो । एमडी दुगड समूहको लगानीमा निर्माणाधीन आयोजनाले सुरुङमा पानी हालेपछि सुरुङबाट पानी चुहिन थालेकाले गुम्देलका आयोजना प्रभावित ४० भन्दा बढी घरपरिवार त्रासमा रहेको उहाँले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

नीरज नाथ पन्त
May 27, 2023, 7:18 a.m.
भारतको उत्तराखन्दमा पनि येस्तो भएको थीयो।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लिखु खोला–२ काे सुरुङमार्गबाट पानी चुहिएर बस्तीमा पसेपछि ४० भन्दा धेरै घरधुरी त्रासमा

1 Comments

नीरज नाथ पन्त

तपाईको प्रतिक्रिया

तपाईको प्रतिक्रिया