करबारे अर्थ मन्त्रालयले स्पष्ट पारेपछि शेयर कारोबार चल्दै, उच्च अङ्कको वृद्धि

जेठ २१, २०८० आइतबार १३:३६:४४ | उज्यालो सहकर्मी

काठमाण्डाै – अर्थ मन्त्रालयले शेयर कारोबारमा लाग्ने करको विषयमा स्पष्ट पारेपछि शेयर बजारको कारोबार पुनः सुरु भएको छ ।

यसअघि लगानीकर्ताको धम्कीका कारण ब्रोकर कम्पनीले कारोबार रोक्दा बजार सञ्चालन हुन सकेको थिएन । कारोबार रोकिएपछि अर्थमन्त्री डाक्टर प्रकाशशरण महतले आन्दोलनरत लगानीकर्तालाई मन्त्रालयमा बोलाएर करबारे स्पष्ट पार्नुभएको छ ।

अर्थ मन्त्रालयले निकालेको सूचनामा पुँजीगत लाभकरको विषयमा साविककै कानुनी व्यवस्था कायम रहेको उल्लेख छ । प्राकृतिक व्यक्तिको कारोबारबाट भएको लाभमा सात दशमलव पाँच प्रतिशत र पाँच प्रतिशतको कर यथावत् रहेको र थप व्यवस्था नरहेको सूचनामा उल्लेख छ ।

आन्दोलनरत लगानीकर्तासँग छलफल गर्दै अर्थमन्त्री महतले शेयरको कर सम्बन्धमा सरकार लगानीकर्ताको पक्षमा रहेको बताउनुभएको छ । सरकारले बजेटमार्फत पेसा व्यवसाय बनाएर शेयर कारोबार गर्नेहरूको आम्दानीमा कर लगाउने व्यवस्था गरेको थियो । यो व्यवस्थाविरुद्ध लगानीकर्ताले आन्दोलन थालेका थिए ।

अर्थ मन्त्रालयले करबारे स्पष्ट पारेपछि खुलेको बजार उच्च अङ्कले बढेको छ । यो समाचार तयार पार्दासम्म बजार ४३ अङ्कले बढेर एक हजार नाै सय १० विन्दुमा पुगेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्