पीपीएलमा पोखराले विराटनगरलाई ५८ रनले हरायो

कात्तिक ९, २०७५ शुक्रबार १४:५३:१ | उज्यालो सहकर्मी

कास्की – पोखरा प्रिमियर लिगमा घरेलु टिम पोखरा पल्टनले विजयका साथ प्रतियोगिता सुरु गरेको छ ।

आज भएको उद्घाटन खेलमा पोखराले विराटनगर टाइटन्सलाई ५८ रनले हरायो । पोखरा रंगशालामा टस हारेर ब्याटिङको निम्तो पाएको पोखराले २० ओभरमा ३ विकेट एक सय ९७ गुमाएर एक सय रन बनायो ।

निकै आक्रामक सुरुवात गरेको पोखराले पहिलो विकेटका लागि ५३ रनको साझेदारी गरेको थियो । उसका ओपनर कुशल भुर्तेल ३८ रन बनाएर आउट भएपछि पोखराले पहिलो विकेट गुमायो । नयाँ पीचमा पहिलो पटक खेलेको पोखराका लागि भारतीय खेलाडी रवी इन्दोर र आशिफ शेखले ९४ रनको साझेदारी गर्दै टिमलाई बलियो स्थितीमा पुर्याए ।

भारतीय खेलाडी रवीले आक्रामक ४४ रन बनाएर आउट हुँदा पोखराले एक सय ४७ रनमा दोस्रो विकेट गुमायो । त्यसपछि तेस्रो विकेटका रुपमा आशिफ आउट भएपछि पोखराले एक सय ६० रनमा तेस्रो विकेट खेर फाल्यो । उनले ५२ रन बनाए ।

पहिलो पीपीएलको पहिलो खेलमा नै अर्धसतक बनाएका उनले ५ चौका र एक छक्का प्रहार गरे । त्यसपछि विनोद भण्डारीले विस्फोटक ४१ रन बनाउदा पोखराले ठूलो लक्ष्य दिन सफल भयो । विनोदले ११ बलमा दुई चौका र ५ छक्का प्रहार गरे ।

जवाफमा विराटनगर २० ओभरमा आठ विकेट गुमाउँदा एक सय ३९ रनमा रोकियो । राम्रो सुरुवात गर्न नसकेको विराटनगरले ३४ रन बनाउदा तीन विकेट खेर फाल्यो । १७ रनमा पहिलो विकेट गुमाएको विराटनगरले २२ रनमा दोस्रो विकेट गुमायो । उसका दुवै ओपनर प्रदीप ऐरी १० र सुनिल धमला ११ रनमा आउट भए ।

त्यसपछि क्रिजमा आएका जितेन्द्रसिंह ठकुरी पनि १० रनमा आउट हुँदा विराटनगर निकै दवावमा आयो । तर उसको विकेट झर्ने क्रम यतिमा रोकिएन । स्कोरबोर्डमा विराटनगरले ८८ रन जोडदा ६ विकेट गुमायो ।

राजु रिजाल ३० रनमा आउट भए भने भारतीय खेलाडी एन्र्डु सुविक्सन १४ रनमा पेभेलियन फर्किए । त्यसपछि पुष्प थापाले ३० रन जोड्दा बाँकी खेलाडी सस्तैमा आउट भए । बलिङतर्फ ललितराजवंशीले तीन विकेट लिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्