कपिल शर्माको विवाहमा १०० भन्दा धेरै खानाका परिकार

कात्तिक ९, २०७५ शुक्रबार २०:०:५७ | उज्यालो सहकर्मी

बलिउडमा अहिले विवाहको सिजन चलिरहेको छ । अभिनेत्री दीपिका पादुकोण र रणविर सिंह, प्रियंका चोपडा र निक जोनसको बिवाहको खबर चर्चामा रहेको बेला भारतिय कमेडियन कपिल शर्माको विवाहको खबर पनि आएको छ ।

लामो समयदेखि मिडिया तथा टेलिभिजनबाट टाढा रहदै आएका कपिल शर्मा पुनः टेलिभिजनमा उनको पुरानै चर्चित शो ‘द कपिल शर्मा शो’ मार्फत दर्शक माझ फर्कने तयारीमा रहेका छन ।

अर्को तर्फ उनी आफ्नो विवाहको तयारीमा समेत जुटिसकेका छन् । यसै वर्षको डिसेम्बर १२ मा पञ्जाबको जालन्धरमा हुन लागेको शर्माको विवाहमा कैयौं विशिष्ट पाहुनाहरु उपस्थित हुनेछन् ।

अहिले कपिल शर्माको सम्पूर्ण परिवार यसै विवाहको तयारीमा जुटेको छ । यो विवाह जालन्धरमा रहेको कबाना रिसोर्टमा हुनेछ । रिसोर्टमा २ दिनसम्म विवाहको कार्यक्रम चल्नेछ ।

विवाहअघि मेहन्दी र संगीतको कार्यक्रम हुनेछ भने विवाहको रीतिरिवाज रातको समयमा सम्पन्न गरिनेछ । त्यसपछि रिसेप्शनको कार्यक्रमको आयोजना गरिनेछ ।

यि विशिष्ट पाहुना हुनेछन् उपस्थित

भारतीय सञ्चार माध्यमका अनुसार कपिल शर्माले आफ्नो विवाहमा बलिउड, राजनिति र खेल जगतका विशिष्ट व्यक्तिहरुलाई आमन्त्रित गर्नेछन ।
विवाहमा बलिउडका महानायक अमिताभ बच्चन, शाहरुख खान, अक्षय कुमार, दीपिका पादुकोण, रणबिर कपूर, अजय देवगण लगायतका कलाकारहरुलाई निमन्त्रणा पठाइनेछ ।

कपिलको विवाहमा करिब २०० भन्दा धेरैको संख्यामा विशिष्ट व्यक्तिहरु सहभागी हुनेछन् ।

खानामा गरिनेछ लाखौं रुयैयाँको खर्च

कपिल शर्माको विवाह शाही ढाँचामा हुनेछ । विवाहको सजावट र क्याटरिङ विशेष तरिकाले गरिनेछ । खबरहरुका अनुसार कपिल शर्माको विवाहमा खानाकै लागि २० लाख भन्दा धेरै रुपैयाँ खर्च गरिनेछ ।

विवाहमा उपस्थित पाहुनाहरुका लागि करीब १०० भन्दा धेरै खानाको परिकारहरु बनाइनेछ । खानामा पञ्जाबी परिकार पनि राखिनेछ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्