कालीकाेटकाे नरहरिनाथ गाउँपालिकाले गाउँमै नेपाली कागज उत्पादन सुरु गर्‍याे

असार ७, २०८० बिहीबार २०:३५:२२ | मनिराज पाण्डे

कालीकोट – कालीकाेटकाे नरहरिनाथ गाउँपालिकाले गाउँमै नेपाली कागज उत्पादन सुरु गरेको छ । गाउँमै पाइने लोक्ता सेतवढुको सङ्कलन गरेर कागज उत्पान सुरु गरिएको गाउँपालिकाका अध्यक्ष नगेन्द्र विष्टले बताउनुभयो ।

नरहरिनाथ गाउँपालिका उद्यम विकास शाखाको दुई लाख ४० हजार रुपैयाँमा टोप्ला लघुउद्यम विकास समूह गठन गरी नरहरिनाथ–५ मा कागज उद्योग सञ्चालन गरिएको समूहका अध्यक्ष जसमल बोगटीले बताउनुभयो । गएकाे वैशाखमा स्थापना गरेकाे उद्याेगले दुई सयभन्दा बढी ताउ कागज उत्पादन गरेको छ ।

यस पटकको गाउँ सभामा नरहरिनाथ गाउँपालिकाले आफ्नै उत्पादनको नेपाली कागजबाट बनेको झोला र डायरी प्रयोग गर्ने भएको छ ।

झन्डै पाँच फिट अग्लो हुने लोक्ताको बोट काटेर कागज बनाउन प्रयोग गरिन्छ । काटेको बोट पुनः दोस्रो वर्ष धेरै हाँगासहित पलाउने गर्दछ । नेपाली कागज बनाउन चाहिने अन्य केमिकल कास्टिङ सोडा, ब्रिफ पाउडर र नुरीसमेत खरिद गरी ल्याइएको समितिका अध्यक्ष बोगटीले बताउनुभयाे । उद्योग सञ्चालनमा आएपछि स्थानीय चार जनाले रोजगारी पाएका छन् । अझै अद्योग सञ्चालनका लागि चाहिने उपकरण अभाव रहेको बोगटीले बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्