गोरखामा धन्सार भत्किएर पुरिँदा एक महिलाको ज्यान गयाे

असार १९, २०८० मंगलबार १२:३५:४३ | किरण लोहनी

गोरखा - गोरखाकाे गण्डकी गाउँपालिका-४ ढाबेमा बनाउँदै गरेको धन्सार भत्किएर पुरिँदा एक महिलाकाे ज्यान गएकाे छ । तीन जना घाइते भएका छन् ।

सोमवार हिजाे बिहान ९ बजेतिर जङ्गबहादुर बरामको निर्माणाधीन धन्सार भत्किँदा उहाँकी श्रीमती ४१ वर्षकी मीना बरामको घटनास्थलमै ज्यान गएको हो ।

धन्सार बनाउँदै गरेका जङ्गबहादुरका छिमेकी ६५ वर्षका रामकृष्ण बराम गम्भीर घाइते हुनुभएकाे जिल्ला प्रहरी कार्यालयका डीएसपी रमेशकुमार श्रेष्ठले बताउनुभयो ।

कम्मरमुनिको भागमा गम्भीर चोट लागेका बरामलाई उपचारका लागि काठमाण्डौ लगिएको छ । यस्तै, घाइते भएका जङ्गबहादुर र उहाँका छोरा २१ वर्षका सुजन बराम सामान्य घाइते भएका डीएसपी श्रेष्ठले जानकारी दिनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।