एएफसी यू-१९ महिला छनोट:निशाकाे ह्याट्रिकसँगै पाकिस्तानकाे पाेष्टमा नेपालकाे गाेल वर्षा

कात्तिक ११, २०७५ आइतबार १७:११:३७ | उज्यालो सहकर्मी

एएफसी यू–१९ महिला च्याम्पियनसिप छनोट प्रतियोगिता अन्तर्गतको तेस्रो खेलमा नेपाल विजयी भएको छ ।

पाकिस्तानलाई ९–० को भारी अन्तरले हराउँदै नेपालले एएफसी यू–१९ च्याम्पियनसिप खेल्ने सम्भावना जिवितै बनाएको छ ।

थाइल्याण्डको चोनबुरी रंगशालामा भएको खेलमा नेपाललाई जित दिलाउनका लागि निशा थोकरले ह्याट्रिक गरिन् । पाकिस्तानविरुद्ध गोलको वर्षा गरेको नेपालले खेलको दोस्रो मिनेटमा नै अग्रता लिएको थियो । दोस्रो मिनेटमा मन्जली कुमारीले गोल गर्दै नेपाललाई अग्रता दिलाइन् ।

३२औं मिनेटमा सम्झना लावती र ३७ औं मिनेटमा अलिशा जिम्बाले गोल गरेपछि नेपालले पहिलो हाफमा तीन गोलको अग्रता लिएको थियो ।

पहिलो हाफमा तीन गोल गरेको नेपालले दोस्रो हाफमा ६ गोल थप्यो ।

५४औं मिनेटमा पुजा रानाले गोल गरेपछि नेपालले ४–० को अग्रता लिएको थियो । त्यसपछि निशा थोकरले ह्याट्रिक गरिन् । ५७औं मिनेटमा पाएको फ्रिकिकलाई निशाले सोझै गोलमा परिणत गरिन् ।

७४औं मिनेटमा पाएको पेनाल्टीलाई निशाले गोलमा परिणत गरेपछि नेपालले ६–० को अग्रता लियो । ८५औं मिनेटमा नेपालले अर्को पेनाल्टी पायो । त्यसलाई पनि निशाले गोलमा परिणत गर्दै ब्यक्तिगत ह्याट्रिक पूरा गरिन् भने नेपालले ८–० को अग्रता लियो ।

८९औं मिनेटमा सरु लिम्बुले गोल गर्दा नेपालले ९–० को जित निकाल्यो ।

६ वटा समूहबाट उत्कृष्ट दुई उपविजेता एएफसी यू–१९ महिला च्याम्पियनसिपमा प्रवेश गर्नेछन् । नेपालको दोस्रो चरणको यात्रा सबै समूहको छनोट प्रतियोगिता सकिएपछिमात्र टुंगो लाग्नेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्