जलवायु परिवर्तनसम्बन्धी सम्मेलनका लागि नेपालको तयारी शुरु

साउन ३०, २०८० मंगलबार ७:३६:२६ | उज्यालो सहकर्मी

काठमाण्डाै - जलवायु परिवर्तनसम्बन्धी संयुक्त राष्ट्रसङ्घीय शिखर सम्मेलन कोप–२८ का लागि नेपालको आन्तरिक तयारी शुरु भएको छ ।

सम्मेलनको औपचारिक तयारी थालेको वन तथा वातावरण मन्त्रालयले जनाएको छ । पहिलो चरणमा उच्चस्तरीय राष्ट्रिय निर्देशक समितिको बैठकलाई कोप–२८ को तयारीका लागि बनाएको समग्र मार्गचित्रका बारेमा जानकारी गराएको र कार्यान्वयनका सम्बन्धमा छलफल भएको मन्त्रालयले जनाएको छ ।

मन्त्रालयले कोप–२८ को तयारीका लागि वनमन्त्रीको अध्यक्षतामा उच्चस्तरीय निर्देशन समिति, वनसचिवको अध्यक्षतामा प्राविधिक समिति र मन्त्रालयको जलवायु परिवर्तन व्यवस्थापन महाशाखाका प्रमुखको अध्यक्षमा कार्यदल गठन गरिसकेको छ ।

सम्मेलनको तयारीका लागि मन्त्रालयले सरोकारवाला विज्ञसहितको समूह गठन गरी विभिन्न सुझाव सङ्कलन गरेर राष्ट्रिय कार्यपत्रको तयारी गरिने जलवायु परिवर्तन व्यवस्थापन महाशाखाका प्रमुख एवं सचिव डा. बुद्धिसागर पौडेलले जानकारी दिनुभयो ।

संयुक्त राष्ट्रसङ्घीय जलवायु परिवर्तन सम्मेलन यस वर्ष आउँदो नोभेम्बर ३० देखि डिसेम्बर १२ तारिखसम्म दुबईमा हुँदैछ । आयोजक यूएईले राष्ट्रपति रामचन्द्र पौडेललाई सम्मेलनका लागि निमन्त्रणा गरिसकेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्