सिञ्जा गाउँपालिककाले रैथाने बाली बजारीकरण गर्ने

 साउन ३१, २०८० बुधबार ७:३:५१ | नेत्र शाही
unn.prixa.net

जुम्ला – जुम्लाको सिञ्जा गाउँपालिकाले पालिका भित्र उत्पादन हुने रैथाने बालीको उत्पादन खरिद तथा बजारीकरण गर्ने भएकाे छ ।  

त्यसका लागि सिञ्जा गाउँपालिककाले त्यहाँको बाली बजारीकरण गर्न खाद्य व्यवस्था तथा व्यापार कम्पनी लिमिटेडसँग सम्झौता गरेको छ ।

गाउँपालिकामा उत्पादन हुने रैथाने बालीको संरक्षण, उत्पादन गरी यहाँका किसानलाई सहजै बजारीकरणमा टेवा पुग्नका लागि खाद्य कम्पनीको केन्द्रीय कार्यालयसँग शनिवार सम्झौता गरेको गाउँपालिकाका अध्यक्ष पूर्णप्रसाद धितालले जानकारी दिनुभयो ।

गाउँपालिका अध्यक्ष पूर्ण प्रसाद धिताल र खाद्य व्यवस्था तथा व्यापार कम्पनी लिमिटेडका प्रमुख कार्यकारी अधिकृत मोहन प्रकाश चन्दबीच सम्झौता पत्रमा हस्ताक्षर भएको छ ।

सम्झौतापछि गाउँपालिका अध्यक्ष धितालले भन्नुभयो, ‘रैथाने बाली खरिदका लागि गाउँपालिका र खाद्य कम्पनीबीच सम्झौता भएपछि बजारीकरण गरिने भएको छ ।’

गाउँपालिकाले कालीमार्सी धान, चामल, सिमी फापर, चिनो, कागुनो मास भटमास र कोदो लगायतका स्थानीय बालीहरुको उत्पादनमा किसानहरुलाई प्रोत्साहन गर्न सिञ्जा गाउँपालिकाले सिधै किसानहरुसँग वा कृषक समूह, सहकारी समूह किसानलाई लाभ पुग्ने गरी सिधै पालिकाले खरिद र संकलन गरी खाद्य कम्पनीलाई बिक्री गरिने गाउँपालिका अध्यक्ष धितालको भनाइ छ ।

गत वैशाख २० गते बसेको जिल्ला स्तरको खाद्य व्यवस्था समितिको बैठकले जिल्लाका स्थानीय तहको रैथानेबाली बजारीकरणका लागि खाद्य व्यवस्था तथा व्यापार कम्पनी लिमिटेडलाई निर्णय गरी अनुरोध गरेको थियो । त्योे निर्णयको कार्यान्वयन सिञ्जा गाउँपालिकाबाट भएको खाद्य व्यवस्था तथा व्यापार कम्पनी लिमिटेड जुम्लाले जनाएको छ ।

यसका लागि किसानले उत्पादन गरेको रैथाने बालीलाई बजारसम्म पुर्‍याउनका लागि खाद्य कम्पनीले सहजीकरण गर्ने भएको छ । साथै किसानहरुलाई उचित मूल्य दिइने व्यवस्था गरिने र एकिकृत रुपमा अर्गानिक खाद्यन्न निर्यात गरिने भएको छ । 

अन्तिम अपडेट: मंसिर ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

2 Comments

  • कान्तिप्रसाद तिवारी

    Aug. 17, 2023, 5:07 p.m.

    यसबाट पनि कमिसन खाने हाेलान् नि चाेरहरू

  •  0 Reply

  • Jaya Krishna Acharya

    Aug. 17, 2023, 1:17 p.m.

    राम्रो काम गरेको हार्दिक बधाई सफलता हासिल रहोस्

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई