भोलिदेखि संसद्को अवरोध हट्ने विश्वास छ : प्रधानमन्त्री प्रचण्ड

भदौ २, २०८० शनिबार ११:३७:१५ | उज्यालो सहकर्मी

काठमाण्डाै - प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल प्रचण्डले भोलि आइतवारदेखि संसद्को अवरोध हट्नेमा आफू आशावादी रहेको बताउनुभएको छ ।

स्वर्गीय रामवृक्ष यादवको स्मृति दिवसको अवसरमा आज पार्टी केन्द्रीय कार्यालय पेरिस डाँडामा श्रद्धाञ्जली अर्पणपछि प्रधानमन्त्री प्रचण्डले संसद्को गतिरोध अन्त्यका लागि आफूले निरन्तर प्रयास गरिरहेको र आज पनि अवरोध अन्त्यका लागि छलफल गर्ने बताउनुभयो । उहाँले आज बेलुका प्रमुख प्रतिपक्ष र सत्ता गठबन्धनसँग छलफल गरेर संसद्को गतिरोध खुलाउन प्रयास गर्ने बताउनुभयो ।

प्रधानमन्त्री प्रचण्डले संसद् अवरोध खुलाउनका लागि आफूले सभामुखसहित प्रमुख प्रतिपक्ष दलका नेता केपी शर्मा ओलीसँग छलफल अघि बढाइरहेको बताउनु भयो । उहाँले भन्नुभयो, ‘हामीले निरन्तर पहल गर्दै आएका छौँ, हिजो सभामुख बालुवाटार नै आउनुभयो र उहाँसँग कुरा भएको छ । आज बेलुकासम्म हामी थप प्रयास गर्छौँ, आशा छ भोलि सदन खुल्छ ।’

एक महिना अगाडि त्रिभुवन अन्तर्राष्ट्रिय विमानस्थलको भन्सार कार्यालयबाट बाहिरिएको तस्करीको सुन राजश्व अनुसन्धान विभागले जफत गरेको घटनाको छानबिनलाई लिएर प्रमुख प्रतिपक्ष दल एमालेले निरन्तर संसद् अवरुद्ध गर्दै आएको छ । सुनकाण्डको छानबिन गर्न उसले उच्चस्तरीय समिति बनाउनुपर्ने माग राख्दै आएको छ । प्रतिनिधि सभाको बैठक भोलि दिउँसो एक बजेका लागि बोलाइएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्