सर्वपक्षीय प्रयासका कारण धरानमा सम्भावित घटना टर्‍यो

भदौ ९, २०८० शनिबार १७:२३:२६ | उज्यालो सहकर्मी

काठमाण्डौ – धरानमा स्थानीय प्रशासन, प्रहरी, जनप्रतिनिधि, राजनीतिक दल, स्थानीयवासी लगायतको सुझबुझपूर्ण प्रयासका कारण एउटा सम्भावित घटना रोकिएको छ ।

धरानमा गौहत्या विरुद्ध प्रदर्शन हुने र त्यसको प्रतिकार समेत हुने चर्चाले हिजो धरानको शान्ति अवस्थाबारे चिन्ता व्यक्त गरिएको थियो ।

धरानको शान्ति व्यवस्था मात्र नभएर त्यसको असर अरु ठाउँमा पनि पुग्ने जोखिम रहेको बेला धर्मगुरुहरूसहित इटहरीबाट अघि बढेको र्‍याली तरहराबाटै फर्किएको छ ।

र्‍यालीमा सहभागीहरुलाई सुरक्षाकर्मीहरूले तरहरामै रोकेपछि उनीहरु त्यहीँ कोणसभा गरेर फर्किएका हुन् ।

जिल्ला प्रशासन कार्यालय सुनसरीले निषेधाज्ञा जारी गरेपछि आज बिहानैदेखि धरानमा मानिसहरूको चहलपहल कम थियो ।

निषेधादेशका कारण धरान हुँदै कोशी राजमार्गमा चल्ने सार्वजनिक गाडी प्रभावित भए ।

धरानमा बजार भने आंशिक खुलेको थियो । सार्वजनिक यातायात बन्द रहेकामा टेम्पो र मोटरसाइकल लगायत केही निजी गाडी चलेका थिए ।

धरानमा गौहत्या भएको विवरण सार्वजनिक भएपछि धार्मिक संघसंस्थाले त्यहाँ र्‍याली र प्रदर्शनको आयोजना गरेका थिए ।

र्‍यालीका कारण हुनसक्ने सम्भावित मुठभेड टार्न धरान उपमहानगरपालिका क्षेत्रभित्र निषेधाज्ञा जारी गरेको र यसले सम्भावित चिन्ता टारेको सुनसरीका प्रमुख जिल्ला अधिकारी हुमकला पाण्डेले बताउनुभयो ।

आज प्रहरीले धरानबाट बाहिरन दिए पनि धरान प्रवेशमा कडाइ गरेको थियो ।

धरानमा सामाजिक एकता कायम गर्न त्यहाँका पूर्व मेयरहरुले पहल गरेका छन् ।

यस्तै मेयर हर्क साम्पाङले पनि सामाजिक सद्भाव कायम राख्न आग्रह गर्नुभएको छ ।

धरानमा क्रियाशील राजनीतिक दलहरुले संयुक्त विज्ञप्ति निकालेर सामाजिक एकताको लागि आह्वान गरेका छन् ।

धरानमा हिजो सर्वदलीय, सर्वपक्षीय र्‍याली पनि निकालिएको थियो ।

विभिन्न संघसंस्था र नागरिक समाजले पनि सामाजिक सद्भाव र एकताको लागि पहल गरेका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्