पोखरा प्रिमियर लिगमा बुटवल ब्लास्टर्सकाे दोस्रो हार, धनगढीसँग २० रनले हार्‍याे

कात्तिक १५, २०७५ बिहीबार १७:८:४६ | उज्यालो सहकर्मी

कास्की - पोखरा प्रिमियर लिग अन्तर्गत बुटवल ब्लास्टर्सले लगातार दोस्रो हार व्यहोरेको छ । विहीबार भएको खेलमा बुटवल धनगढीसँग २० रनले पराजित भएपछि प्रतियोगिताको अंक तालिका रोमाञ्चक मोडमा पुगेको छ ।

पोखरा रंगशालामा टस जितेर पहिले ब्याटिङ गरेको धनगढीले २० ओभरमा ४ विकेट गुमाउँदै एक सय ६१ रन बनायो । यसअघिका खेलमा जस्तै धनगढीको ओपनिङ जोडीले राम्रो सुरुवात दिलाउन सकेनन् । १४ रनमा पहिलो विकेट गुमाएको धनगढीले ३९ रनमा तीन विकेट खेर फालेको थियो । जसमा दिपिल नाथ र सुविन्धु पाण्डेले १०–१० रनमा आउट भएभने यसअघि राम्रो लयमा देखिएको विदेशी खेलाडी पिटर ट्रेगो १४ रनमा पेभेलियन फर्किए ।

तर चौथो विकेटका लागि कप्तान दिपेन्द्र ऐरी र डेन लरेन्सले सतकीय साझेदारी गरेपछि धनगढीको पारी सम्हालिएको हो । उनिहरुले एक सय ८ रनको साझेदारी गरे । जुन यो प्रतियोगितामा अहिलेसम्मकै ठूलो साझेदारी हो ।

लरेन्स ५२ रनमा आउट हुँदा धनगढीले एक सय ४७ रनमा चोथौ विकेट गुमायो । दिपेन्द्रले अविजित ५६ रन बनाए भने अन्तिम सौरभ खनालले चार बलमा १३ रन थपे । बलिङ तर्फ विपिन खत्रीले दुई विकेट लिए ।

जवाफमा बुटवल २० ओभरमा ६ विकेट गुमाउँदा एक सय ४१ रनमा रोकियो । सुरुवात देखि नै लडखडाएको बुटवलले ८ रनमा पहिलो विकेट गुमायो । एकपछि अर्को विकेट गुमाएको बुटवलले ६४ रन बनाउदा ५ विकेट गुमाएको थियो ।

बुटवलका रोहन मुस्तफा २० रनमा आउट भए भने सागर पुनले एक रन मात्र जोडे । यस्तै भिम सार्की ५ रनमा पेभेलियन फर्किए भने शंकर रानाले खाता खोल्न सकेनन् ।

यस्तै सिद्धान्त लोहनी १२ रनमा आउट भए । बुटवलका लागि चिराग सुरीले अविजित ७९ रन बनाए । अब अंक तालिकामा ५ टिमको चार अंक भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्