भारतको जम्मू–कश्मीर राज्यका भारतीय जनता पार्टी(बीजेपी) सचिव अनिल परिहार र उनका भाइको गोली हानी हत्या गरिएको छ ।

बिहीबार साँझ जम्मू–कश्मीरको किश्तवाडमा बीजेपी सचिव परिहार र उनका भाइको गोली हानी हत्या भएको हो । किश्तवाडमा रहेको आफ्नो घरतर्फ जाँदै गर्दा परिहार दाजुभाइमाथि गोली हानिएको जम्मू–कश्मीर प्रहरीले जनाएको छ ।

जम्मू–कश्मीर बीजेपीका अध्यक्ष रवीन्द्र रैनाका अनुसार परिहार दाजुभाइको बिहीबार साँझ ८ बजेतिर आतंककारीको समहूले गोली हानी हत्या गरेको हो । उनीहरुलाई तत्कालै अस्पताल पुर्याइए पनि बचाउन नसकिएको रैनाले बताए । प्रहरीले घटनाको अनुसन्धान गरिरहेको बताएको छ ।

बीजेपीका आक्रोशित कार्यकर्ताले अस्पताल र स्थानीय प्रहरी चौकीमा आक्रमण गर्न थालेपछि किश्तवाड क्षेत्रमा कर्फ्यु लगाइएको छ ।

परिहारको निधनमा जम्मू–कश्मीरका पूर्व मुख्यमन्त्री ओमर अब्दुल्लाहले दुःख व्यक्त गरेका छन् । 

Very sad news. My condolences to Anil & Ajit Parihar’s family & colleagues. May their souls rest in peace. https://t.co/r6PkFnnvKv

— Omar Abdullah (@OmarAbdullah) November 1, 2018