भोजपुरमा १८ वर्षीय युवतीलाई दुई वर्ष कैद

जेठ २६, २०७५ शनिबार १५:५५:४१ | उज्यालो सहकर्मी

भोजपुर - मानव बेचविखन तथा ओसार पसारको मुद्धामा १८ वर्षीया एक युवतीलाई दुई वर्ष कैद सजाय सुनाइएको छ ।

जिल्ला अदालत भोजपुरले साल्पासिलिछो गाउँपालिका वडा नं–६ दोभानेकी १८ सविना राईलाई दुई वर्ष कैदको फैसला सुनाएको हो ।

राईलाई त्यसै वडाका दुई जना किशोरीलाई बेचबिखन गर्न लागेको आरोपमा जिल्ला न्यायाधीश हरिश्चन्द्र इङ्नामको एकल इजलासले मानव बेचबिखन तथा ओसार प्रसार नियन्त्रण ऐनको दफा १५ को उपदफा १ को (च) बमोजिम २ वर्ष कैदको फैसला गरेको हो ।

आफ्नै गाउँका नाता पर्ने १५ र १६ वर्षीय दुई जना किशोरीलाई ललाइफकाई होटलमा जागिर लगाइदिन्छु भन्दै भारततर्फ लैजाँदै गर्दा संखुवासभा प्रहरीले गएकाे वैशाख ५ गते राईलाई पक्राउ गरेको थियो ।

संखुवासभामा आवश्यक बयानपछि राईलाई संखुवासभा प्रहरीले जिल्ला प्रहरी कार्यालय भोजपुरमा पठाएको थियो । विराटनगरको एक होटलमा काम गर्दै आएकी आरोपी राई दोभानेमा आएर गएको वैशाख ४ गते दुई किशोरीलाई गाउँबाट लिएर भारततर्फ हिडेकी थिइन् ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्