सभामुख र उपसभामुखमध्ये एकले राजीनामा दिनुपर्ने कांग्रेसको माग

जेठ २६, २०७५ शनिबार १८:७:० | उज्यालो सहकर्मी

काठमाडौं - प्रमुख प्रतिपक्षी दल नेपाली कांग्रेसले सभामुख र उपसभामुखमध्ये एकजनाले राजीनामा दिनुपर्ने माग गरेको छ ।

रिपोर्टस क्लबमा शनिवार भएको कार्यक्रममा कांग्रेस नेता दिलेन्द्रप्रसाद बडुले संबिधानमा सभामुख र उपसभामुख फरक फरक दलको नेता हुनुपर्ने प्रावधान रहेको स्मरण गराउँदै अब एमाले र माओवादी केन्द्र मिलेर एकै दल बनेकाले सभामुख र उपसभामुख मध्ये एकजनाले राजिनामा दिनुपर्ने बताउनुभएको हो ।

नेकपाका स्थायी समिति सदस्य देवेन्द्र पौडेलले सभामुख र उपसभामुखको विषयमा संबिधान अनुसार नै निकास खोजिने बताउनुभयो ।

यो विषयमा कानूनविद्हरुसँग छलफल गर्ने र नयाँ परिस्थिति अनुसार प्रतिपक्षसँगपनि छलफल गरी सहमतिमा पुगिने उहाँको भनाई छ ।
सभामुख र उपसभामुखको चुनाव दुई पार्टीबीच एकता हुनुपूर्व नै भएको र अब पार्टी एक भइसकेको अवस्थामा संबिधानको मर्म अनुसार नै अघि बढ्ने उहाँको भनाई छ ।
नेता पौडेलले अभियोग लाग्दैमा कोही पनि अपराधी नहुने तर्क गर्दै सहमतिका साथ पारित भएको प्रतिनिधिसभा सञ्चालन नियामावलीले राजनीतिक संस्कारको विकास गरेको बताउनुभयो ।
नेता पौडेलले प्रत्यक्ष निर्वाचित कार्यकारी रहने व्यवस्थाबारे पार्टीभित्र पनि छलफल शुरु भएको तर खास आकार भने लिइनसकेको बताउनुभयो । नेता बडुले भने आफ्नो पार्टीले कुनैपनि हालतमा प्रत्यक्ष निर्वाचित कार्यकारीको व्यवस्था नमान्ने बताउनुभयो ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्