चिडियाखानामा शटल बसको व्यवस्था गर्दै ललितपुर महानगर

कात्तिक ३, २०८० शुक्रबार २०:४:१६ | उज्यालो सहकर्मी

ललितपुर – ललितपुर महानगरपालिकाका मेयर चिरीबाबु महर्जनले चिडियाखानामा बालबालिका र वृद्धवृद्धालाई घुमाउनका लागि शटल बस राख्ने बताउनुभएको छ । आज शुक्रवार राष्ट्रिय प्रकृति संरक्षण कोषको ४१ औँ वार्षिकोत्सव तथा संरक्षक संरक्षण समारोहमा मेयर शाहले यस्ताे बताउनुभएको हो ।

उहाँले आफू मेयर भइसकेपछि जावलाखेलको चिडियाघरभन्दा बाहिर नजिकमा हुने कन्सर्टहरू बन्द गराएको बताउनुभयो । कन्सर्टहरू बन्द हुँदा चिडियाखानामा भएका वन्यजन्तु आरामसाथ निदाउन पाएको उहाँकाे भनाइ छ । महानगरपालिकामा धेरै सुधार गर्न बाँकी रहेको भन्दै मेयर महर्जनले ललितपुर महानगरपालिका सहकार्य गर्न तयार रहेको बताउनुभयो ।

उहाँले भन्नुभयो, ‘यस पटक चिडियाखानामा बालबालिका, वृद्धवृद्धालाई घुमाउनका लागि एउटा शटल बसको व्यवस्थापन गर्न गइरहेका छौँ । जावलाखेलको चिडियाघरभन्दा बाहिर ठूलो कन्सर्टहरू हुन्थ्यो, मध्यरातसम्म, बाघ–भालुलाई सुत्नै डिस्टर्ब हुने गरी । म मेयर भइसकेपछि त्यो बन्द गरिदिएँ । अहिले बाघ भालु आनन्दसँगले सुतिरहेका छन् ।’

मेयर महर्जनले ललितपुर महानगरलाई आउँदाे दुई वर्षभित्र नमुनास्तरको बनाउने बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्