लामो दूरीको गाडीमा पनि उभिएरै यात्रा गर्नुपर्ने बाध्यता, उभिनेहरूलाई नाकामा सास्ती

कात्तिक १०, २०८० शुक्रबार ८:२३:११ | उज्यालो सहकर्मी

काठमाण्डाै – लामो तथा मध्यम दूरीमा उभिएर यात्रा नगर्न ट्राफिक प्रहरीले अनुरोध गरे पनि कतिपय यात्रुलाई उभिएरै यात्रा गर्नुपर्ने बाध्यता छ । दशैँ मनाउन जाँदा जस्तै फर्किँदा पनि सिट नपाएर उभिनुपरेको यात्रुको गुनासो छ ।

काठमाण्डौसँग सिमाना जोडिएका जिल्लाहरूबाट काठमाण्डौ चल्ने गाडीमा यस्तो समस्या धेरै छ । यसरी उभिएर यात्रा गर्नेहरूलाई सिटमा बस्न नपाउँदाको कष्टसँगै काठमाण्डौको नाकामा पुगेपछि अर्को सास्ती थपिन्छ । नाकामा प्रहरीले जाँच गर्ने भएकाले त्योभन्दा केही वर नै गाडीवालाले यात्रुलाई गाडीबाट ओरालेर हिँडाउने र जाँच भैसकेपछि परबाट फेरि गाडी चढाउने गर्छन् । जाँच गर्ने ठाउँमा ट्राफिक प्रहरीले यात्रु उभिएको देखेमा कारबाही गर्ने भएकाले यस्तो गर्नुपरेको गाडीवालाको भनाइ छ ।

सिट क्षमताभन्दा बढी यात्रु राखे पनि ट्राफिक प्रहरीलाई केही रकम दिएपछि कारबाही भोग्न नपर्ने कतिपय गाडीवालाहरू बताउँछन् । दशैँको बेला नागढुङ्गा नाकामा यसैगरी ट्राफिक प्रहरीलाई रकम दिने गरेको उनीहरूको भनाइ छ ।

काठमाण्डौ उपत्यका ट्राफिक प्रहरी कार्यालयका प्रमुख एवम् प्रहरी नायब महानिरीक्षक पोषराज पोखरेल भने यो आरोप मात्रै भएको दाबी गर्नुहुन्छ । अनुगमनका क्रममा अहिलेसम्म ट्राफिक प्रहरीले रकम असुली गरेको नभेटिएको र भेटिएमा कारबाही हुने पनि उहाँले बताउनुभयो । उभिएर यात्रा नगर्न र सिट भएको गाडीमा बसेरै यात्रा गर्न उहाँको अनुरोध छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लामो दूरीको गाडीमा पनि उभिएरै यात्रा गर्नुपर्ने बाध्यता, उभिनेहरूलाई नाकामा सास्ती

फाइल तस्बिर

तपाईको प्रतिक्रिया