वैदेशिक रोजगारीमा रहेकाले आईएमई रेमिटमार्फत सामाजिक सुरक्षा कोषमा रकम जम्मा गर्न सक्ने

कात्तिक १६, २०८० बिहीबार १७:१३:३५ | उज्यालो सहकर्मी

काठमाण्डौ – वैदेशिक रोजगारीमा रहेका श्रमिकले आईएमई रेमिटमार्फत सामाजिक सुरक्षा कोषमा रकम जम्मा गर्न सक्ने भएका छन् ।

कोषका अनुसार वैदेशिक रोजगारीमा रहेका श्रमिकले आफ्नो सामाजिक सुरक्षा नम्बरका आधारमा आईएमई रेमिटमार्फत कोषमा जम्मा गर्नु पर्ने रकम जम्मा गर्न सक्ने भएका हुन् ।

कोषका निर्देशक डा. रोशन कोजु भन्नुहुन्छ ‘घरमा पैसा पठाउँदाजस्तै आफ्नो सामाजिक सुरक्षा नम्बर लिएर रेमिटमा गई सामाजिक सुरक्षा कोषमा आफ्नो रकम जम्मा गरिदिन भन्दा हुन्छ, आईएमई रेमिटले कोषमा रकम जम्मा गरिदिन्छ ।’

कोषले विदेशमा रहेका जुनसुकै रेमिटहरूले पनि रकम जम्मा गरिदिन सक्ने गरी अनलाइन प्रणालीको विकास गरेको छ । तर अहिले कोषको प्रणाली अनुसार आईएमई रेमिटले सबै प्रक्रिया पूरा गरी काम थालेको निर्देशक डा. कोजुले जानकारी दिनुभयो ।

उहाँका अनुसार छिट्टै विदेशमा रेमिट्यान्स पठाउने सुविधा दिइरहेको धेरैजसो रेमिट कम्पनीमार्फत कोषमा रकम जम्मा गर्न सकिने गरी व्यवस्था हुँदै छ ।

रकम जम्मा भए नभएको जानकारी कोषको अनलाइन प्रणालीमार्फत जाँच गर्न सकिन्छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्