गुल्मीमा १५ वर्षीया किशाेरीकाे बलात्कारपछि हत्या गर्ने एक युवा पक्राउ

कात्तिक २०, २०८० सोमबार १८:५८:४८ | उज्यालो सहकर्मी

गुल्मी – गुल्मीमा १५ वर्षीया किशाेरीकाे बलात्कारपछि हत्या गर्ने एक युवालाई प्रहरीले पक्राउ गरेको छ । पक्राउ पर्नेमा बाँकेकाे खजुरा गाउँपालिका–७ घर भई अहिले चन्द्रकोट गाउँपालिका–४ बस्ने २३ वर्षीय रहिस खाँ रहेका जिल्ला प्रहरी कार्यालय गुल्मीका प्रहरी उपरीक्षक नवीनकिशोर प्रधानले जानकारी दिनुभयाे ।

खाँले चन्द्रकोट–५ मा बसाेबास गर्दै आएकी बाग्लुङको बरेङ गाउँपालिका–३ कि किशाेरीलाई बलात्कारपछि हत्या गरेको प्रहरीले जनाएको छ । किशाेरीकाे शव गएकाे शुक्रवार चन्द्रकोट–४ हुग्दी खोलामा फेला परेको थियो ।

पक्राउ परेका खाँलाई गुल्मी जिल्ला अदालतबाट ज्यानसम्बन्धी कसुर र करणीसम्बन्धी कसुर गरेको मुद्दामा पाँच दिन म्याद थप गरी हिरासतमा राखेर अनुसन्धान भइरहेको प्रहरी उपरीक्षक प्रधानले बताउनुभयो ।

ती किशाेरी आमासँग कोठा भाडामा चन्द्रकोटमा बस्दै आएकी थिइन् । शुक्रवार दिउँसाे खेतमा काम गरिरहेका खेतालालाई सुर्ती किन्नका लागि बजार निस्किएपछि उनी बेपत्ता भएकी थिइन् । किशाेरीकाे हत्यारालाई सार्वजनिक गरी कडाभन्दा कडा सजाएको माग गर्दै स्थानीयसँगै जिल्लाका अधिकारकर्मीले आन्दाेलन गरिरहेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गुल्मीमा १५ वर्षीया किशाेरीकाे बलात्कारपछि हत्या गर्ने एक युवा पक्राउ

प्रतीकात्मक तस्बिर

तपाईको प्रतिक्रिया