काठमाण्डाै – नेपाल सुपर लिग (एनएसएल) मा काठमाण्डाै रेजर्स एफसी र झापा एफसीबीचकाे खेल गाेलरहित बराबरीमा सकिएकाे छ ।

आज साेमवार त्रिपुरेश्वरकाे दशरथ रङ्गशालामा भएकाे खेलमा काठमाण्डाै र झापाले गाेलरहित बराबरी खेल्दै अङ्क बाँडेका हुन् । खेलमा दुवै टाेलीले केही अवसर बनाए पनि गाेल गर्न सकेनन् ।

बराबरीसँगै काठमाण्डाै ३ खेलमा ५ अङ्क जाेड्दै तालिकाकाे ५ औँ स्थानमा छ । उति नै खेलमा २ अङ्क भएकाे झापा ८ औँ स्थानमा छ । काठमाण्डाैले पहिलाे खेलमा स्पाेर्टिङ इलामलाई १–० गाेलले हराएकाे थियाे भने एफसी चितवनसँग १–१ गाेलकाे बराबरी खेलेकाे थियाे । यस्तै झापाले पहिलाे खेलमा स्पोर्टिङ इलामसँग १–० ले हार बेहाेरेकाे थियाे भने दोस्रो खेलमा पोखरा थन्डर्ससँग १–१ गोलको बराबरी खेलेकाे थियाे ।

एनएसएलमा भाेलि मङ्गलवार ललितपुर सिटी एफसी र वीरगञ्ज युनाइटेड खेल्दैछन् । खेल दशरथ रङ्गशालामा बेलुकी ५ बजे शुरु हुनेछ ।